گوهۆڕینا درست ژ ناخێ مە دەسپێدکەت

راهێنەر: رۆژین ئامێدی

گوهۆڕینا درست ژ ناخێ مە دەسپێدکەت
پتریا مە مرۆڤان ب بەردەوامی ل دویف گوهۆڕینێ دگەڕییێین. ئەم حەز دکەین بارودۆخێ مە یێ ژیانێ بهێتە گوهورین، ژینگەهـ و دەوروبەرێن مە باشتر لێ بهێن، یان ژی مرۆڤێن د ژیانا مە دا ب دلێ مە بن.

بەلێ راستیەکا ژبیرکری هەیە، ئەم هەمی ل گوهۆڕینێ ل دەرڤەی خۆ دگەڕیێین، و کێم جاران هزرا وێ چەندێ دکەین کو کلیلا گوهرینێ د دەستێ مە بخۆ دایە و گوهرین ژ مە دەسپێدکەت.

بۆچی ئەم ل دەرڤە لێ دگەڕیێین؟
مرۆڤ ب سروشتێ خۆ حەز دکەت ل سەرکەفتنێن بلەز بگەڕیێت. ب ساناهیترە بۆ مە کو ئەم گلە و گازندا ژ زروفێن زەحمەت یان ژ رەفتارێن کەسێن دی بکەین، ل شینا ئەم بەرێ خۆ بدەینە کێماسیێن خۆ.

لێ راستی ئەوە، هەتا دناخێ خۆ دا ئەم پێنگاڤەکێ نەهاڤێژین، جیهانا دەرڤە ناهێتە گوهرین.

گوهۆڕینا درست چیە؟
گوهۆڕین نە بتنێ گوهۆڕینا کەرەستا جهی و مروڤایە بەلکو ئەڤ خالێن ل خوارێ نە:

• گوهۆڕینا هزرکرنێ، دیتنا ئاریشەیان وەک دەلیڤە بۆ فێربوونێ.
• زڤرین بۆ ناخی، ناسین و دیفچونا کێماسی و خەلەتیێن خۆ و کارکرن ل سەر راستکرنا وان.
• بەرپرسیاریەتی، قەبیلکرنا وێ چەندێ کو ئەز بخۆ بەرپرسا رەفتارێن خۆ و ژیانا خۆمە.

ئەگەر تە ڤیا جیهانا خۆ یا دەرڤە بگوهۆڕی، ژ ناخێ خۆ دەسپێبکە.

ئەنجامێ گوهۆڕینێ
ل دویماهیێ، ئەگەر ئەم د بڕیارێن خۆ دا د راستگۆ بین، دێ بینین کو دەمێ کو هزر و رەفتارێن مە دهێنە گوهۆڕین ناخێ مە دهێتە پاقژ کرن، ژیان ژی ل بەر چاڤێن مە جوان دبیت و دهێتە گوهرین.

جیهان ب گوهۆڕینا تە دێ هێتە گوهڕین، نە ب گوهڕینا زروفان و مروڤان و کەرەسەتا.