پیری...

پیری...

دەمژمێرەکا درێژە
ژانێن وی هەستیکێن لەشێ مە دخۆن

ئێڤاریەکا ب ژڤان و گێژە
چرکەیێن وێ وەک سالا دچن

هەر ڕۆژ ئەو ژیێ پۆڕا مە سپی کری
ئەو بارێ پشتا مە خویل کری
ئاخینکان بۆ ئاڤابوونا ڕۆژێ ڕادهێلیت
دا خاترا خۆ ژ ڕۆناهیێ بخوازیت و
بەرەف گۆڕێ بێ دەرگەهـ و پەنجەر ڤە بچیت

پیری...

گۆپالەکێ دل شکەستیە
ئەڤ گۆپالە
دۆستێ مە یێ هەر و هەرە
ب خێرا وی
پالا مە یا ل کەڤریە
وەختێ دکەڤین
ئەوژی دارەکێ شکەستیە

پیراتێێ
گەنجاتیا عەمرێ مە بر
کر دەفتەرەک
تژی بیرەوەری و بیرهاتن کر

پیریێ ئەوژی بۆ مە نەهێلا
دگەل زێمارێن وەغەرێ
عەمرێ مە هەمی بن ئاخ کر!