Pîrî...

Pîrî...

Nayif Mehmûd

Demjimêreka dirêje
Janên wî hestîkên laşê me dixwin

Êvariyeka bi jvan û gêje
Çirkeyên wê wek sala diçin

Her roj ew jiyê pora me sipî kirî
Ew barê pişta me xwil kirî
Axînkan bo avabûna rojê radhêlit
Da xatira xo ji ronahiyê bixwazit û
Berof gorê bê dergeh û pencer ve biçit

Pîrî...

Gopalekê dil şikestî ye
Ev gopal e
Dostê me yê her û here
Bi xêra wî
Pala me ya li kevriye
Wextê dikevîn
Ew jî darekê şikestî ye

Pîratiyê
Gencatiya emrê me bir
Kir defterek
Tijî bîrewerî û bîrhatin kir

Pîriyê ew jî bo me nehêla
Digel zêmarên wegherê
Emrê me hemî bin ax kir!