Kurd Diaspora
ده‌م ده‌ما ده‌وله‌تێ یه
(هەتا كه‌نگی بمينن ئه‌ڤ زولم و زور
به‌سه سه‌ر مه ببارينن ئاگرێ سور
هێز مه نه‌ما ڤێ رێكا درێژ و دور
برین مانه بێ ده‌رمان و بێ دختور )
چما خودى كورد هـو دان
به‌هرا مه‌دان خه‌م و ژان
بێ دەوله‌تين بێ خودان
گەلو چــما ئەم هومان
(ده‌م ده‌ما ده‌وله‌تێ یه لێ مه كانێ خان و مان)
دوژمنا داگیر كـرین
نه‌هێلا هه‌ڤدو بگرین
وه‌لات فروت خائینا
نه یارێ مه ژێ كرین
( ده‌م ده‌ما ده‌وله‌تێ یه ئه‌م نابينين دێ مرين)
مه شێره ژن دلبـه‌رن
(كاوه)ژی كه‌له سه‌رن
كورد چ جارا نامرن
ناڤ ژیـانێ رێبـه‌رن
(ده‌م ده‌ما ده‌وله‌تێ یه بەرڤ ئەلندێ هه‌رن)
كه‌نگی دێ بینه ده‌وله‌ت
مافێ مه‌یه وه‌ك مللـه‌ت
خاما بگرن تپل و ده‌ست
بنڤيسن ديروكێ بخه‌ت
( ده‌م ده‌ما ده‌وله‌تێ یه گولستان دێ بت به‌حه‌شت)
روژ هه‌لاتێ لێدا زه‌نگ
چول و چیا ڤه‌دا ده‌نگ
دل بشوو گه‌مار و ژه‌نگ
دوژمنێ مه نه‌ما ره‌نگ
(ده‌م ده‌ما ده‌وله‌تێ یه دێ بتن جه‌ژن و ئاهه‌نگ)
كوردو وه‌رن مه‌یدانێ
بكه‌ن شـاهى و ديلانێ
بێژن مـافی مـه كانێ
خه‌ونا ئه‌حمه‌دێ خانێ
( ده‌م ده‌ما ده‌وله‌تێ یه ئاڤاكه‌ن گولستانێ)
كۆمێنت (0)
هێشتا چو كۆمێنت نینن