د ناڤ دلێ ئێش و ژان و زەحمەتیێن ئاوارەییێ دا، هەردەم نموونەیێن کەتوار و بهێز یێن ژنان سەر هەلددەن، کو دبنە سیبەر و ئومێد بۆ جڤاکی. ل سەر ڤی بنەمایی، ئەڤ ڕاپۆرتە روناهیێ دئێخیتە سەر ژیان، خەبات، و دەستکەفتیێن کچ و دایکا خۆڕاگر (لافیا محەمەد مراد)، وەک نموونەکا گەش و سەرکەفتی د ناڤ کەمپێن پەنابەران دا ل هەرێما کوردستانێ.

١- ژیان و خۆڕاگری و قۆناغا کۆچبەریێ:

• زارۆکینیەکا تژی ئاستەنگ؛ ناڤهاتی ژ زارۆکینیا خۆ ڤە توشی دژواری و نەخۆشیێن مەزن یێن ژیانێ بوویە.
• بارودۆخێ ئاوارەییێ؛ ژبەر ڕەوشا نەئارام و شەڕی ل ڕۆژئاڤایێ کوردستانێ، نەچار بوویە زێدێ خۆ بجهـ بهێلیت و وەک پەنابەر (لاجێ) بەرێ خۆ بدەتە باشوورێ کوردستانێ.
• پشتەڤانیا خێزانی؛ بەری پێکئینانا خێزانێ (شویکرنێ) پشتەڤانەکا بهێز بوویە بۆ مال و دایک و بابێن خۆ، و هەم ژی پشتی پێکئینانا هەڤژینیێ بوویە دایک و کابانیەکا ژێهاتی بۆ هەڤژین و زارۆکێن خۆ، و شیا خێزانا خۆ ب سەرفەرازی و کەرامەت بپارێزیت.

٢-کارێن مرۆڤایەتی و چالاکییێن د ناڤ کەمپان دا:

• پشتەڤانیکرنا گەنجان؛ کارەکێ ب بها و بەردەوام د ناڤ کەمپێن (دۆمیز ١) و (دۆمیز ٢) و چەندین کەمپێن دی دا کریە، ب تایبەتی د پێشکێشکرنا هاریکاری و ڕێنمایان بۆ کچ و کوڕێن کەمپێ.
• پاراستنا ساخلەمیا گشتی؛ د بوارێ پاراستنا ژینگەهـ و ساخلەمیا کەمپێ دا، چەندین جاران بوویە دەستپێشخەر و سەرپەرشت ل سەر کەمپێن ڕەشاندنا دەرمانێن دژە حەشەرات و مێش و موران بۆ ڕێگریگرنێ ژ بەڵاڤبوونا نەخۆشیان.

٣-هەماهەنگی دگەل ڕێکخراوێن نیڤدەولەتی و دامەزراوەیێن حکومی:

• کارێ ڕێکخراوەیی؛ وەک کارمەند و چالاکڤانەکا ژێهاتی دگەل چەندین ڕێکخراوێن نیڤدەولەتی (International NGOs) و دامودەزگایێن حکومەتا هەرێما کوردستانێ (پشکداری د بۆنەیێن ئەکادیمی یێن وەک پەیمانگەها ئارارات) کار کریە.
• پشکداریا کارا: پشکداری د چەندین ڤیستەڤالێن ڕەوشەنبیری، وۆرکشۆپێن ڕاهێنانێ، و گەشتێن جڤاکی دا کریە.
• ڕێزلێنان و سوپاسنامە: ژبەر دلسۆزی، ئەمانەت و جێبەجێکرنا ئەرکێن خۆ ب باشترین شێوە، چەندین سوپاسنامەیێن فەرمی (Letters of Appreciation) ژ لایێ ڕێکخراوێن بیانی و ڕێڤەبەریێن حکومەتێ ڤە پێ هاتینە دان.

٤-پێگەهێ جڤاکی و پەیوەندیێن مرۆڤدۆستانە:

• کەسایەتیەکا خۆشتڤی؛ ژبەر کار و خزمەتێن وێ یێن مرۆڤدۆستانە، خودانا پێگەهەکێ بلند و ڕێزگرتی یە، ل دەڤ خەلکێ کەمپێ و جیرانان.
• پەیوەندیێن هەڤنیاسینیێ: شیایە ببیتە پرەکا بهێز یا ڤیانێ د ناڤبەرا پێکهاتەیێن جۆدا دا، ل دەڤ هاوڵاتیێن هەرێما کوردستانێ (چ کورد بن یان عەرەب) یا بەرنیاس و حەژێکری یە، ژبەر ڕوالەت و کارێن وێ یێن مرۆڤدۆستانە.