هەی بە کورێ کەری بە!

گوتنەکا بەربەڵاڤا دناڤ مە کوردان دا هەی دبێژیت"هەی بە کورێ کەری بە"ئانکوو ئەگەر توو خودان پارە و سامان بی ئەو یا گرنگە نەیا گرنگە کا تە ژ کیڤە ئیناینە و چاوا بدەست تە کەفتینە "کورێ کەری بە" ئانکوو هەتا بهایێ تەژی وەکی مرۆڤ نە یێ گرنگە یا گرنگ بتنێ تەیێ هەی! ڕاستە پارە ئامرازەکێ گەلەکێ گرنگە د ژیانێ دا ئەم نەشێین ژ گرنیگیا وی کێم بکەین، لێ ئاریشە ئەوە دەمێ پارە پتر ژ بهایێ خو دکەت وەکی کوشتنا کەسەکی بەرامبەر پارەی یان ئەنجامدانا خیانەتێ بەرامبەر پارەی یان کرنا توهموو درەوان.... هوکارێن ئەنجامدانا ڤان کاران بەرامبەری پارەی گەلەکن بۆ نمۆنە: ترسا نەمانا کاری یان پارەی ل داهاتوی و پێتڤیێن زووڕێن ژیانا ڕوژانە و تێکدانا پیڤەرێن ڕێزگرتنێ دناڤ جڤاکی دا ئانکوو ل دویڤ ڕێژا پارێ تە دێ د جڤاکی دا ڕێز و گرنگی بتە هێتەدان و بەشەك ژ مرۆڤان ژی هندی پارە هەبیت حەز ژ هێشتا دکەن ئەڤ چەندە ئەگەر مەرەم ژێ پێشکەفتنا کاری یان وەبەرهێنانێ بیت تشتەکێ ئاساییە لێ مەرەما من بوچی ئەگەر مرۆڤی پارە هەبیت ژی یێ ئامادەیە پەنایێ ببەتە بەر ڕێکێن شاش بۆ بدەستڤەئینانا پارەی؟ کوردان ژ خۆرای نە گوتیە"تێر دبیت مرۆڤێ زك برسی لێ تێر نابیت مرۆڤێ چاڤ برسی" ئانکو کەسەك ئەگەر یێ چاڤ برسی بیت هندی هەبیت پێ تێر نابیت هۆکارەکێ دیتر ژی ئەوە کۆ مرۆڤ حەز ژ تشتێن فیزیکی دکەت ئانکوو تشتێن ل بەردەستێ وی بن وەکی خانی و تڕومبێلێن بۆها گران و زێر.... تشتێن نە فیزیکی ئەون یێن کۆ د ناخێ خودا هەست پێدکەت وەکی ئارامی و ڤیان و کەرامەت ئەڤجا ئەگەر حەزا مرۆڤی بەرامبەر تشتێن فیزیکی پتر لێهات ژ تشتێن نە فیزیکی دێ یێ ئامادەبیت هەر تشتی بکەت بۆ بدەستڤە ئینانا پارەی ئانکۆ ئەگەر دناڤبەرا پارا و کەڕامەتێ دا تە پارە هەلبژارتن بێ گومان دێ یێ/ا ئامادە بیت هەر تشتی بۆ بدەستڤەئینانا پارەی بکەت

ئەرێ بوچی هەتا نهۆ دجڤاکی دا دویڤچوونا داهاتێ بەشەك ژ خەلکێ کۆ ژ نیشکەکێ ڤە دەولەمەند بووی ناهێتە کرن! جارا دبێژن ب پلەکێ چۆ سەرێ ملەکێ د بەرامبەر دا کەسەکێ دیژی یێ هەی هەمی ژیێ خوە یێ کار دکەت هندە دێ تەمەنێ وی گەهیتە چڵ یان پێنجی سالیێ هێشتا نەشیایە پارێ کڕینا شووقەیەکێ کومبکەت! ڕاستە هەمی کار د شەریعەتێ ئیسلامێ دا دروست نینن ئەرێ ما ژلایێ یاسایێ ڤەژی د دروستن؟