ئێدی من نەڤێت

ئێدی من نەڤێت چ ھیڤییا بچینم
گری و زێمار پێڤە دبنە تلوڤە

چ ئارمانجا ژی دەست نیشان ناکەم
ھەر زوی شکەستن دبنە خێڤە؟

سینگێ ڤی باژێری یێ بوویە سەڕاد
ئێدی چ تشت تێدا ناهێنە ڤەشارتن؟

خەون و ھیڤی و خۆزی یێن بووینە سەڕاب
پشتا دایێ و لێ ناڤەگەڕن!

ماڵخڕابۆ باژێر و ما ئەڤە ژان و
برینێن تە چنە چەندن؟

سەرێ تە یێ کریە دناڤ پێن تەڕا و
بنێ تەژی یێ کرمی کری!

ئەڤە سەرێ سێ دەھکانە
ئارامی لدێمێ تە تونەنە

ما ئەڤە زکێ پێشرەوێن تە چەندێ مەزنە؟
ما چەند دچیتێ چەند کیلۆ و چەند مننە؟

ھندی ھەبیت دادعيرن ما ئەڤە چنە؟
تۆ یێ کریە ھێلینا خەم و برینا

سەرێن ھوسا ھەبن یان نەبن بۆ چنە؟
خۆزی باژێرو تۆ یێ بێ سەر بای