چرکە چرک

شەڤەكا سارە و دەمژمێر نێزیكی سیێ یە، ئەز هێش مێهڤانم و ژ ڤی لای بۆ ملێ دی بەلێ خەو ب چاڤێن من ناكەڤیت، بێدەنگییە و ب تنێ دەنگێ چركە چركا دەمژمێرێ دهێت. ئاژەوا منە و ئەڤ دەمژمێرە یا تەمەنێ من یێ بێ مفا د هەژمێریت، ئەرێ ما ئەوژی بێزار نەبی ژ هەژمارتنا ژییێ من!

ب تنێ من هەناسەیەكا سار و لاشەیەكێ بێ هێز یێ ل ڤێ دونیایێ مایی، ل پەنجەرا هنداڤی خوە ڕاوەستیام و من دگەل خوە گۆت؛ تو بخوە بکارهێنەربویی! تو بتنێ مینی و مینی...! ئێدی چاڤێن من و تک تکا دەمژمێرێ بوو پێشباز... ڕەنگڕۆنیا هەیڤێ من نەهێلا! دگەل ڤی دەنگی بارانەکا دژوار ژ چاڤێن من هاتە خوار، نە ب خودێ ئەز ئەگەر نەبووم هەمی ئەو بوون. ئەو هەڤال بوون یێن ئەز فێری ڤی دەرمانی كریم.

ڕوونشتم و دەنگێن جۆرەوجۆر د سەرێ من دا ڤەددان، دوبارە من گۆتە خوە ڤە؛ ڤان ماددان مالا من یا خراب كری، ئەز یێ بێ كەس و كار كریم، من خوە ژ دەستدا و هەمی تشت ژی ژ دەستدان. ما چیێ ژ من كێم بوو خودان كار بووم خودان مال و هەڤژین بووم، من خێزانەكا بەختەوەر هەبوو من پاشەروژەكا گەش بخوو دانا بوو، بەلێ من چكر .. کانێ دایک و باب و هەڤژین ئەوێن من جهێ ئارامیا خۆ لێ ددیت، دبێژم کانێ ئەو ڕێ؟ هەر مام ئەز و ئەز...!!

من پارێن خوە هەمی ب ماددێن بێ هوشكەر دا، من دزی ژ بابێ خوە دكرن داکو وان ماددان بكڕم.. ئەوێن من دگۆتین هەڤڕێیا دلگەشیا منن، بەلێ ئەو بتنێ هەڤالێ پارەیێ من بوون. گەلەك شەفان من هزر دكر خوژی ژ دەست بدەم و دووماهیێ ب ژیانا خۆ بینم. بەلێ كەسەكێ ترسنوكێ وەكی من دێ چەوا وێرەكیا ڤێ هندێ ژی هەبیت، بەلێ تنێ من دزانی هەناسەیەک من هەیە!

ل بەر وێ خۆدیکا هەردەم هەڤژینا من کارێ من دکری ڕاوەستام و من گۆتێ: ما كەسەكێ بێ بها ل ڤێ ژیانێ چ دكەت؟ من چ خەون ب ڤێ ژیانێ نەمابوون، لاوازبووم، شیانێن هاوارا ژی نەبوون... ب ئوف و ئۆخان سەرێ من بووو بەفر. من گۆت: گاڤێن باش دانە بێی کو جەمەدێدا زووهاببی...

پشتی ڤان هەمی كردارێن ب سەرێ من هاتین، من شیا ئەز خوە ژ داڤێن ڤێ پیساتیێ قورتال بكەم، وی كەسێ پیس ئەڤ ناخێ رەش بووی پاكژ بكەم، ئەڤە دەمژمێر چوارێ سپێدێیە ئەز ب تنێ ل وێ ژوورا نەخوشخانێ مە یێ چارەسەریێ وەردگرم و هێدی هێدی ناخێ خوو ژ پیساتیێ پاكژ دكەم، راستە من هەمی تشت ژ دەسدان، بەلێ من شیا خۆ ببینمەڤە و خوە ئاڤا بكەم.

دەنگێ بانگێ سپێدێ ئارامی ب سەر دلێ من دا ئینا و من ڕۆندكێن خوە پاكژ كرن، ب ئاڤەكا سار من دەست نڤێژا خوە شویشت و جارەكا دی ب چاڤێن گریڤە ل سەر شەملكێ و د سوجدێ دا یێ دگریم لاڤەیان بخوە دكم، بۆ تپ تپ گۆت: هەر جهێ تو بچییێ تو دشێی.

ب گریڤە من دەستێ مزگینەری ماچی کر و من گۆتێ؛ ئێدی دێ جهێ ئارامیا خۆ بم هەڤال.