ŞEV TARIYE

Şev tariye di vê şevê
Xew bi çavê mi nakevê
Bendî teme şev û roje
Lêv hinguva şêrîn devê

Gul sosinê
Dilê minê
Por zêrîna
Çav bikilê

Sebr û aram timî tiwî
Di jiyanê vejîn niwî
Tiwî xewna hemî sale
Ey nazika dêm pertewî

Di vê jînê
Gul nesrînê
Ez im dîlê
Wê nerînê

Di nêv gula tu sorgulî
Deng û awaz tu bilbilî
Bûme dîlê herdu çava
Jiyan bi te dixemilî

Tu sorgulî
Deng bilbilî
Bi lez ketî
Di vî dilî

Dil di eşqê har û dîne
Bejna zirav xeml û zîne
Mi dil da te,ma ji te re
Ger tu hatî xweş mizgîne