Kurd Diaspora
گرنگیا ئامار و داتایان د جیهانا ئەڤرۆ دا، د گەلەک بواران دا پێدڤییەکا گەلەک مەزنە؛ جهێ بڕیارا دروست ددەت و بەلگەیەکە کو چ دەرفەتەکی بۆ هەست و سۆزان ناهێلیت. بوونا ئامار و داتایێن دروست و ل بەر دەست، دێ گەلەک بابەتان چارەسەر کەت و پێدڤی ب ماندیبوونەکا زێدە ناکەت. بەرهەڤکرنا ئامار و داتایان پێدڤی ب چەندین ڤەکۆلین و ماندیبوونا یە، لێ بەرهەمێ وێ ب هەروە ناچیت و دەمێ پێدڤی پێ هەبیت، کار لسەر دەهێتە کرن و گەلەک ئاریشەیان چارەسەر دکەت. داتا هاریکارە بۆ نەهێلانا گەلەک ئاریشەیان و لێگەریانا چارەسەریێن دەم-کورت و درێژ. هەروەسا، ئامار و داتا بۆ پێشبینکرنێن نوکە و داهاتی ژی گەلەک گرنگن، ژ بەر کو سەرکەفتنان نێزیک و مسۆگەر دکەن؛ چونکی بەری دەمی تە پێنگاڤەک یا ئاڤێتی بەرەڤ سەرکەفتنێ و تە بەرهەڤیەک یا کری.
د سەردەمێ نوکە دا، ئامار و داتا وەکو کلیلا سەرکەفتنێ نە؛ هەر حکومەتەک، کۆمپانییەک و بگرە تاک وەکو مروڤ، ئەگەر ئامار و داتا هەبن و بکاربینن، هەردەم د پێشڤەچوون و سەرکەفتنێ دانە، چونکی ئەڤرۆ داتا جیهانێ برێڤەدبەن و هەر تشت بوویە ژمارە. ئامار و داتا وەکو بەلگەیەکی بهێزن و ئیدی چ بڕیار ناهێنە دان ژ بلی ل سەر بنەمایێ ئامارێ. پاشی گرنگە پشتی ڤەکۆلینێ، مفا و زیانێن هەر ئامارەکێ ب هەمی جۆرێن خۆ و د هەمی بیاڤان دا دیار ببن. ژ بەر هندی پێدڤییە تاک، ئیدارەیێن خۆجیهی، حکومەت و کۆمپانی خودان ئامار بن، چونکی بوونا ئامار و داتایان واتە ڕێڤەبرنا تەندروست.
كۆمێنت (0)
هێشتا چو كۆمێنت نینن