Kurd Diaspora
زانینگەھــ ئەو جھە یێ قوتابی تێدا گەشەیێ ب شیانێن خۆ ددەت، و خۆ تێدا ئاڤا دکەت ژلایێ ھزر و ژیریا خۆ داھێنانێ ب بەھرەیێن خۆ ددەت و بنیاتەكی بخۆ دروست دکەت، و تێدا ئارمانجێن دیاركری یێن ھەین بو پاشەروژێ.
ئەو ئاستەنگێن قوتابی ڕۆی ب ڕۆی دبت چنە؟
پشتی قوتابی ژ زانینگەھێ دەرچیت كومەكا ھیڤی و ئارمانج د سەرێ خۆ دا د دانیت، و یێ ب ھیڤی و گەرم و گورە و چاڤەرێی جڤاكی و ژینگەھا خۆیە پشتەڤانیا وان بھێتەكرن ژبۆ ب دەستڤەئینا پیشەیەكی، دێ بینین كچێن جڤاكێ مە پتریا وان ماینە د مالێ ڤە و چ كارا ناكەن، سەرەرایی وێ باوەرناما ب دەست خۆ ڤە ئینای و ئەو زەحمەتا بری ھندەك ژ خێزانین وان دبنە ڕێگر ژ بۆ كچێ و ئاخفتنێن شكەستی تێدا ھێنە بكارئینان وەك ھەر دامەزراندن نینە كەرتێ حكومی نینە ھەما بخۆ شوی بكە یان بمینە مالێ خزمەتا مالێ بكە یان تویا ھاتیە دامەزراندن بو ئامان شویشتنێ ئەڤە چەند سال چوون چ پێڤە ناھێت، كچ ژی ب ڤان پەیڤان ھەست ب تاوانێ و بارگرانیێ دکەت، و كارتێكرن لێ دبیت جاران نەچار د بیت بریارین خەلەت بدەت بتنێ دا ژ ڤان ئاخفتنا دویر بکەڤیت، و چیت پەیوەندییێن نەدروست دگەل كەسێن نەدروست گێرددەت یان ھەڤژینیێ پێكدئینیت ژبەر ئاخفتنێن جڤاكی وەسا ئەو بخۆ ژیانا خۆ دکەتە ئاگر و دکەڤیتە قەفەسەكا دی تر دا.
یا پێدڤیە كەرتێن حكومی خۆ ل ڤێ چەندێ بكەنە خودان وەل گەنجێ خۆ نەكەن قەستا ژ دەرڤە بكەن و خۆ توشی گرفتێن دژوار بكەن و ژیانا خۆ بێخنە د مەترسیێ دا، و ڕێكێن نەیاسایی بگرنە بەر، سالانە ھندەك قوتابیا دامەزرینن ھندەك دەرفەتێن كاری بۆ دابین بكەن.
قوتابی چ بكەت؟
دناڤ زانكوێ دا گرنگیێ بدەتە ئاستێ خۆ د بوارێ تێدا خۆ شارەزا بكەت و پشتی دەرچوونێ ژی دەستا نەداھێلیت بەرێ خۆ بدەتە حەز و شیان و بەھرەیێن خۆ، و دێ شێت چەوا بخۆ ژینگەھەكا كاری یا گونجای ڕەخسینت .
خۆ فێری ھندەك بەھرەیێن نوی بكەت ژ وان ژی
- بوارێ خۆدا خۆ پێشبێخیت
- خۆ فێری زمانەكێ نوی بكەت
- فێركرنا بەرنامەێن كومپیوتەری
- دیزاین
- خواندنا پەرتووكان
- فێربوونا ئالەتەك موزیكێ
- چێكرنا خوارنا
- كارەكێ بزنسێ ئونلاین بكەت
- ھەر وەسا كارێ خوبەخشیێ ژی كارەكێ گرنگە مروڤ فێری گەلەك سەربورێن نوی دبیت د ژیانێ دا و..ھتد.
یا گرنگە د تەمەنێ گەنجاتیێ دا بیست تا سیھ سالیێ دا گەنج بەرپرسیارەتیا خۆ ژیانا خۆ ڕاكەت و پشتبەستنێ بخۆ بكەت بشێت بخۆ بنیاتەكی دانێت بزانیت پاشەروژ یا ل ھیڤیا وی چونكی تەمەن ڕۆژ دوبارە نابن ئەڤ تەمەنە یێ گرنگە مروڤ خۆ ئاڤا بکەت ژ ھەمی لایان ڤە د بوارێ ئابوری دا و پیشەیی دا، و دەمێ خۆ ب خەلكی و سوشیالێ ڤە نەبورینیت ژیان دەم بوراندن نینە دەم خۆ ل ھیڤیا كەسی ناگریت
یا گرنگە ئەم خۆ دگەل پێشكەڤتنا تەكنلوجیایێ بگونجینین د ھەر قوناغەكێ دا و چەند وانەیان مروڤ فێری ژیانێ ببیت.
ئەم ھەموو قوتابینە د ژیانێ دا ڕۆژانە ئەم فێری وانێن نوی دبین ھەردەم ئەم ین د گھورینێ دا دژین.
كۆمێنت (0)
هێشتا چو كۆمێنت نینن