پشتی تۆفانێ
ئاگرێ دەسپێکا ژیانێ یێ ل ڤێرە ھلبووی
ناڤێ وی یێ بوویە، ئەردێ ژیانێ
کەشتا شارستانیەتێ یا لێ دادای
تۆڤێ نفشان یێ ل سەر ئەردێ وێ بلاڤەبووی
ئەردێ حەواندنا گیان لبەر و گیاندارایە
مرۆڤایەتی یا لڤێرە شین بووی

چ دەستێن رەش و هێزێن ستەمێ؟
نەشێن بەفرا وێ یا سپی بکەنە تەنى
جوانیا سروشتێ وی رەش بکەن
ستەما ھەردەمی لێ بچینن
ھیڤییا لسەر خاکا وێ بکوژن!

ل ڤێرە دیرۆک، ب سەرۆ کلوخان یا هاتیە تومارکرن
ڤێرێ وارگەھێ ھیڤییانە چیرۆکێن ھیڤییا
دناڤ باڕۆڤێن خوینێ دا شین دبن
ئاسۆیێن بوھارەکا پڕی خەمل
خۆ دھەژینیت
دەستێن خۆ دهاڤێژنە تاکێن بارۆڤا و...
ئاوازێن کەنیێ دناڤ پێلێن ئاگریدا دژەنن
ترسنۆکێن وى لسەر شانۆیا مرنێ سەمایێ دکەن !

فریشتە و رۆژ،
لاڤا بۆ دکەن و سلاڤ دکەنە خاکا وى
خەون دبنە هیڤى و هیڤى ژى دبنە ئارمانج
ئەڤ خاکە وارگەھێ پیرۆزیانە
تۆڤێ ڤیانا ژیانێ یێ لێ ھاتیە چاندن
خەلکێ وێ یێ بەرھەڤە
ئازادی و سەرفرازیێ بخوینێ بکریت!

باڵندە ژ باخچێن وێ مشەخت نابن
بارانا ھیڤییا ...
ھیڤیا دزەڤیێن وێ دا دچینیت
وەلات دبیتە ھێلینا ژیانێ
ئاڤەدانی ڕھێن خۆ کویر د دادھێلیت
....