ناڤێ ته درندەکێ وێرانكەره
بەلێ ته ب پەنجێت خۆ
نازیا وژدانێ وێرانترلێکر
ژ سیبەرا بابوی
ژ گەرماتیا ماموی
ژ سەبرا خالوی
تەڤ خەلكێ ژار
تە ب ساخی بن ئاخ كرن
ژ بەهدينان تا گەرميان
د گەل دا فەیلى و بارزانا جهيێ شێران
ته ب زێمار و خەملا رەش کار كرن

دەمێ باپيرى چيرۆكا چيچێ بو من دگوت
ئەز ژ بیرناکەم
چەرینا پەزێ بابوی
ئەو دايكا مها خۆ د دوت
ئەو خوشكا بو من هەڤال
ئەو برایێ بکار و بارێ زاڤاینیێ
ب ژڤانێ دیدارا بیکا نازدار
هێش شاد نەبوی

نەشێم ژبیر بکەم
چەند دل رەقی ئەنفال؟
ما ته چەوا سوتن لمن دەشت و زوزان
ته چەوا وێرانكرن
ئەو گوند و وارێ مەیێ جوان
ته بو شێلاندن كانيا ئاڤ زەلال
ما تو بێژی ئەو ژبەر خو بکەت
كراسێ رەش بوكا دەلال

دێ هەره
یا مە ژ تە دیتی
کەسەکێ دی نەبینیتن
برینا تە چەندا هارە
ل چەهنەمێ دا هند بچی خارێ
و نەرابی ڤە، ئەنفال.