لایێ ب خێر یێ ئەنترنێتێ

لایەنێ خێرێ یێ ئەنترنێتێ

پشتی دەرکەفتن و بەربەلاڤبوونا ئەنترنێتێ ل سەرانسەری جیهانێ و بویە ئەگەرێ گۆهورینەکا مەزن دژیانا مرۆڤاندا و ڤەکرنا گەلەک دەرگەهێن نووی یێن باش و خراب بۆ جڤاکی، و پشتی خواندن و بەرێخودانا ڤێ ئەنترنێتێ ژ گەلەک لایاڤە لدۆماهێ خەلک گەهشتنە وێ باوەریێ کو چەوانیا بکارئینانا ئەنترنێتێ دمینتە لسەر تاکی بخۆ کا هەر تاکەکێ جڤاکی ژلایێ خۆڤە دێ ژ بوو چ مەرەم بکارئینیت.

لڤێرە ئارمانجا مە ئەوە بەحس ل لایەنەکێ وێ یێ ئەرێنی بکەین ئەو ژی لایەنێ ئابووری و بازرگانییە د ئەنترنێتدا کو تا وی رادەی یا پێشکەفتی خەلک دشێن ل مالێن خۆ و ب رێکا لاپتۆپ و مۆبایلێن خۆ ئەنترنێتێ بکەنە ژێدەرەکێ داهاتی و ب رێکێن درۆست پارەیان پێ بدەستڤەبینن.

و ژ وان رێکێن گەنجێن خودان شیان بکاردئینن بۆ بدەسڤەئینانا پارا د ئەنترنێتێدا:

• پرۆگرامینگ
• فۆرێکس
• کڕینا سەهمێن کۆمپانیان
• سۆشیال میدیا و پەیجێن ئۆنلاین
• کارکرنا ئازاد ب شێوەکێ ئۆنلاین
• و ب دەهان رێکێن دی یێن جۆاروجۆر.

گەنجێن کورد ژی ژ خێرا ڤێ ئەنترنێتێ بێ بەهر نەبوینە و هژمارەکا باش یا گەنجێن جڤاکی بەرێخۆدایە ڤێ خێرێ و ئەنترنێتێ بۆ مەرەما بازرگانیێ بکاردئینن و د سەرکەفتی ژی بوینە، و هەر گەنجەکێ دڤێت بەرەڤ بازرگانیا لسەر ئەنترنێتێ بچیت دشێت لێگەریانەکا سادە بۆ بکەت و دەمەکی بۆ تەرخانبکەت دێ بینیت کو گەلەک دەرگەهێن باش یێن لسەر ئەنترنێتێ هەین و دشێت پێنگاڤا بۆ بهاڤێژیت و خۆ تێدا شارەزا بکەت و ببیتە ئێک ژ وان کەسێن مفادار ژ ڤێ ئەنترنێتامەزن ل جیهانێ.

لێ ژبیرنەکەین دگەل ڤێ هەمی لایێ خێرێ پێدڤیە گەنج یێ ئاگەهداربیت و نەهێتە سەردابرن چونکی ئەڤ بازرگانیا لسەر ئەنترنێتێ یا ڤالا نینە ژ فێلبازیان، و هەر سۆزەک بۆ دەولەمەندیەکا بلەز و بێ وەستیان بهێتەدان یان داخازا کوژمەکێ پارەی بهێتەکرن بەری کارکرنێ دێ بیتە جهێ گۆمانێ، ڤێجا گەلەکا گرنگە گەنج بێی فێربوون و شارەزایی چ پێنگاڤان نەهاڤێت و زانیاریێن خۆ یێن کەسی و دارایی ب پارێزیت دا کو ئەڤ لایەنێ خێرێ ب خرابی بۆ نەزڤریت و توشی شکەستنێ نەبیت.