بەری کو ئەم بزانین چی یە، یا گرنگتر ئەوە بزانی بوچی یە، دبیت نە هەر تشتێ هات بوتە یێ گونجایی بیت و یا پێدڤی یە تو ل سەر کار بکەیی هەر وەکی نوکە و تەکنولوجیایێ، ئەم هەمی بکاردئینین بەلێ ژبەر کو ئەم دروست نزانین بوچی بکاردئینین ب رێکەکا وەسا دهێتە بکارئینان ئەو مە بکاردئینیت ل شوینا ئەم وێ بکاربینین، لەوا مێشکێ مە تژی دکەت و ژ شیانێن مە کێم دکەت و دروست ناگەهینە وی ئەنجامێ مە دڤێت، تەماشە بکە کا چەوا نە یا پێدڤی یە ل هەمی دەمان تو بوچوونا خو بێژی بەلکو باشترە بێدەنگ ببی ئاها وەسا ژی باشترە تو بوارەکی بگریە بەر، کو تو خو دناڤدا بینی، ژ نوی ئەگەر تەکنولوجیا دگەل وی بابەتێ تە گونجی تێکەلی ئێک بکەیی ژبەر جیهانەکا هند یا تژی و بەردەوام ب خولەکان هزارەها داتایێن نوی دهێن، و دبیت مە بو گەلەک رێکان ببەت و مەرەما مە یا سەرەکی دویر و ئالوز بکەت،

ئاپدێتا ناخ و مێشکی بەرامبەر گوهۆڕینا دەرڤە

دگەل هندێ دا یا پێدڤی یە مێشکێ خو ئەم وەکی تەکنولوجیایێ فێری ئاپدێتێن نوی بکەین، دا کو بەردەوام هزرێن نوی بهێنە د ناڤ مێشکێ مەدا و بەرەڤ پاشڤە نەچیت، تەکنولوجیایێ چ بهایێ خو نینە ئەگەر نە گەهیتە مێشکێ مە، ئەگەر سەرڤە ٢٥٪ یا گرنگ بیت بهێتە نوی کرن هەر چەندەکێ جلکەک و ستایلەکێ نوی، تەلەفون و دەمژمێر حەتا دوماهیێ نوی ببن دناڤدا یا مروڤی پێدڤی یە ٧٥٪ ئاپدێت بو بهێن و نوی ببیت، دا کو ژ ژەنگا هزرو بیرێن نوی قولتار ببیت، ئەو ناهێتە گوهرین و خو زەحمەت نادەت ژ بازنێ خو بهێتە دەر وەکی دهێتە گوتن ژ بازنێ خو یێ ئارام دەرناکەڤیت حەتا ل وی دەمێ تو هەولا بو ددەیی و هێدی وەکی ١٪ بەرەڤ گوهرینێ بچی و بو ببیتە تشتەکێ نورمال کو هەست پێ کەت مەترسی یا ل سەر و تشتەکێ نە جاڤەرێکری یێ رویی ددەتن،