شاخێ هەیبەتێ

هەلگرێ بارێ پاکێ هیممەتا
رۆناهییا گەش فەخرا ئوممەتا
ساحیب شڤانێ بەرزێ عیزەتا
تاج و تەختێ وان تەڤ مەملەکەتا
پەناگەهێ هیڤییا مللەتا
کانیا زەلال ژ لووتف و شەفقەتا
چەندێ تۆ پری ژ وان سیفەتا
دەرمانێ دەرد و کول و حەسرەتا
چرایێ شۆرەشێ جەنگا دەولەتا
هێزا هەبوونێ تاجێ نوسرەتا

سەربەرزێ وەلاتی ب ناڤ و نیشانی
شاخێ لەوەندی ب هەیبەت و شانی
قەبسا مەعریفەتێ فەخرا ئینسانی
ئایەت ژ یەزدانی میرێ بارزانی
نەڤیێ مانی ژیر و پەهلەوانی
قایم بورهانی دەلیلێ ئیمانی
ڕێچ و ڕێبازی بەندەرێ ڕەهوانی
روومەت و پەیمانی تاسا نورانی
شاندەکێ پیرۆزی ژ قاسدێ بانی
مەقسەدا هەلبەستێن ئەحمەدێ خانی

دا کو گەلێ مە بگەهتە ئاواتێ
تە راگرتن هەردوو پرسێن خەباتێ
ب ئێکگرتن و هیڤی و سەباتێ
بکەینە خەمل و ڕەوشا ڤێ حەیاتێ
خەیالێن نەیاران بچن هەیهاتێ
ڕەقیب بمینن ل ناڤا مەماتێ
ژ قودسێ ببارت مژدەیا خەلاتێ
ژ رۆژئاڤایێ هەتا رۆژهەلاتێ
ژ شنگال و بارزان بەر ب قەلاتێ
بەرز و بلندبیت ئالایێ نەجاتێ