Kurd Diaspora
د دەمەکی دا کو ئیراقێ ژ هەمی جاران پتر پێدڤی ب پشتەڤانیا هێزێن هەڤپەیمانی هەیە، هينگی بریارا خۆ ڤەکشاندنێ ژ ئیراقێ ددەن، هەلبەت ئەو وادێ بۆ ڤان هاتیە دیارکرن و ل گەل حوكمەتا ئیراقێ و رێکكەفتن ل سەر هاتیەکرن، دوماهیيا ڤێ هەیڤێ یە کو ئیراقێ ب جهـ بهێلن، بێگومان دڤیا ئیراقی منەتباری هێزێن هەڤپەیمانان بن کو خزمەتەکا بەرچاڤ پێشکێشی ئیراقیان یا کری و شوینوارێن ڤێ خزمەتێ ژی ب هەمی روویێن ژیانا ئیراقیان ڤە د دیارن، هەژی گۆتنێ یە کو هەڤپەیمان نەکارینە هەمی مەرام و ئارمانجێن خۆ ل ئیراقێ ب جهبینن و یێن تووشی زیان و ئاستەنگێن زۆر بوی، هەتا ئەم ڤالاتی و کاریگەریێن ڤەکێشانا هێزێن هەڤپەیمانان ب چاڤێن خۆ نەبینن، ئەم بهایێ ئالیکاری و پشتەڤانیا هەڤپەیمانان ب دروست نزانین.
ئیراق وەک گیانەکێ بریندارێ بێ نۆژدار و دەرمان چاڤێ ل هەر خۆدان وژدانەکی د هەوارا ئیراقیان بێت، و ڤی بارێ گران و ڤێ گەف و هەرەشێن ل سەر ئیراقێ نەهێلیت، د ڤی دەمێ نازک و ترسناک دا گەف و هەرەشە دێ ل سەر ئیراقێ زێدە بن و داعشێن مرۆڤ کۆژ رەنگە ل ئیراقێ ڤەژین و ل گەل ئیرهابیا ڤێ ڤالاتیێ ب دەرفەت ببین ئاژاوێ و ئالۆزیا چێکەن و حوكمەتا ئیراقی ژی بێسەروبەر بکەن.
حوكمەتا هەرێما کوردستانێ زۆر یاب پەرۆشە و ڤێ چەندێ ب بەرژەوەندى نزانیت کو هێزێن هەڤپەیمان ل ڤی دەمێ نازک دا ئیراقێ ب جی بهێلن، چونکو حوكمەتا ئیراقێ و هێزێن بەرەڤانیێن ئیراقێ پشتا خۆ ب هێزێن هەڤپەیمانان دبەست و بەرنامێ بەرگریکرنێ ل ئیراقێ و ئیراقیان ل گۆر پشتەڤانیا هێزێن هەڤپەیمانان بینا و ساز کربوو و هەتا ڤێ گاڤێ دلێ وان ب پشتەڤانیا هێزێن هەڤپەیمان شادبوو، نوکە رەنگە شۆکەکا مەزن بیت بۆ حوكمەتا ئیراقێ و هەمی ئیراقیێن دیموکراتخواز و ئاشتیخواز کو ئیراق د ڤێ قووناغا پڕ گرفت و ئالۆزی دا ببیتە مەیدانا شەڕێن نارەوا و خوینا ئیراقیان ب کۆلانێن باژاڕ و پایتەختێ خۆ دا ببینن کو درژیێت.
هەمی ئیراقی دخوازن هاريکاری و هەماهەنگیا د ناڤبەرا ئیراقیان و هەمی ولات و هێزێن ئاشتیخواز و مرۆڤ دۆست زێدەتر لێ بهێت و ل جهێ رق و کینا ئەڤین و برایەتی جهێ خۆ بگریت و د ئاشتیێ و تەناهیێ دا وەخت و زەمانێ خۆ ببۆرینن٠
كۆمێنت (1)
ئەگەر بڵێین عێراق بەڕاستی پێویستی بە هێزەکانی هاوپەیمانان هەیە، ئەی باشە بۆچی حکومەت ڕێککەوتنی ڕۆیشتنیانی کردووە؟ ئەگەر کێشەکە ئاسایشە، بۆچی هێشتا میلیشیا چەکدارەکان لە دەرەوەی کۆنترۆڵی تەواوی دەوڵەت جموجۆڵ دەکەن و هەن؟ پرسیاری سەرەکی ئەوەیە: ئایا ئەم فشارە لەلایەن میلیشیا نزیکەکان لە ئێرانەوە دروست کراوە بۆ دەرکردنی ئەمریکا و هاوپەیمانان وە یان بەڕاستی خوازی گەلانی ئێراقە؟ لە کۆتاییدا، ئاسایش و بڕیاری سەربازی دەبێت تەنها لە دەستی دەوڵەت بێت، نەک لە دەستی میلیشیاکان. خاڵی کۆتایی ، من پێمواییە رۆژ بۆرۆژێ نزیک دەبینەوە لە جەنگی بچوک و دووا جار جەنگی جیهانی سێهەم ...