رۆژا جیهانیا مامۆستایان و ڕۆژا مامۆستایێن کوردستانێ پیرۆزبیت

ماموستایێن ڕێزدار ...

پیشەیا مامۆستای، مەزنترین و پیرۆزترین پیشەیە. مامۆستا بتنێ فەرمانبەرەک نییە کو زانیاریان بۆ قوتابیان ڤەگوهێزیت، بەلکو هونەرمەندەکێ دلسۆز و خەمخورە، کو ژ ناڤ تاریاتیا نەزانینێدا پەیکەرێ زیرەکیێ، شارەزایێ، ڕوناهیێ و داهاتووی دکێشیت.

ل لایەکێ دیڤە، مامۆستا ئەو کەسە کو دەمێ هەمی کەس بەرێ خۆ ددەنە ئەڤڕۆ، ئەو بەرێ خۆ ددەتە داهاتی.
زێدەباری ڤێ چەندێ، مامۆستا بتنێ مە فێری خواندن و نڤیسینێ ناکەن، بەلکی مە فێری تێگەهشتن ل مان و مەبەستا ژیانێ دکەن.

هەکە ئەڤڕۆ نوژدارەک ژیانێ ڕزگار بکەت، یان ئەندازیارەک شارەکی ئاڤا بکەت، پێتڤیە بزانین کو ئەو هەمی بەرهەمێ پەیاما پیرۆزا مامۆستایی یە، کو ل پۆلەکا بچووکدا هاتیە چاندن.

هەکە جیهان هەتا نوکە ب ئاڤەدانی، مرۆڤایەتیێ و پێشکەفتنێ مابیتەڤە، پێتڤیە بزانین کو ب هەوڵ و ماندیبوونا وان چرایانە یێن کو مامۆستایان هەلکرین.

زێدەباری ڤێ چەندێ، مامۆستا دیروکەکا گەش دنڤیسین و بەردەوام چرایێن ڕووناهیێ بۆ نیشتمان و کومەلگەها خۆ هەلدکەن. مامۆستا پێشەنگێن خەبات و تێکۆشانێنە، د ڕۆژانێن بزەحمەتدا هەردەم ل ڕێزێن پێشیێ دمینن بۆ خزمەتا گەل و نیشتمانێ خۆ.