پێناسا ساخلەمیا دەروونی:

- گونجاندنە دناڤبەرا ئەرکێن دەروونی دا و شیانێن ڕووبەڕووبوونا قەیرانان، دگەل هەبوونا هەستەکێ ئەرێنی، بەختەوەری و رازیبوونێ.
*شیانێن مرۆڤی نە بۆ خۆ گونجاندنێ دگەل خۆ و دەوروبەران (جڤاکی، ئابووری، کاری، خێزانی و خواندنێ).

مارتن سێلیگمان (د تیۆرا خۆ یا دەروونناسیا ئەرێنی دا) دیار دکەت، کو مرۆڤ ژبلی کو پێدڤییە ژ خەمۆکی و فشارێن دەروونی ڕزگار ببیت، پێدڤییە فێر ببیت چەوا خۆشبەختی، هێزا ناڤخۆیی، و ئارمانجداربوونا ژیانێ ژی دروست بکەت، ئەڤە وێ چەندێ دگەهینیت کو ساخلەمیا
دەروونی دوو لایەنە:
1. -کێمکرنا ئاریشە و نەخۆشییان (کو ئەڤە کارێ سەرەتایی یە)
​2. -ئاڤاکرنا هێزێن کەسایەتییێ و خۆڕاگریێ (کو ئەڤە دابینکەرا گەشەپێدانا درێژخایەنە)

هندەک ڕاستی سەبارەت ساخلەمیا دەروونی:

1. -تەندروستیا دەروونی بەشەکێ دانەبڕییە ژ ساخلەمیا گشتی.
​2. -نیڤا نەخۆشیێن دەروونی بەری ژیێ ١٤ سالیێ دەسپێدکەن.
3. -ڕێکخراوا WHO ڕادگەهینیت کو نزیکی ٩٧٠ ملیۆن کەس (١ ژ هەر ٨ کەسان) تووشی تێکچوونێن دەروونی بووینە.
4. -ساڵانە نزیکی ٧٢٠,٠٠٠ کەس ب خۆکوژیێ گیانێ خۆ ژ دەست ددن.
5. -مە ٣٠٠ تا ٣٥٠ نەخۆشیێن دەروونی هەنە کو دابەش ببنە سەر دوو بەشێن سەرەکی: دەروونی (Psychosis) و دەماری (Neurosis).

ئارمانجێن سەرەکی:

1. -هشیارکرنا خەلکی ژ ئاریشێن تەندروستی و دەروونی.
​2. -پێشکێشکرنا خزمەتگوزاریێن چاڤدێریا دەروونی ل جهێن گشتی.
3. -جێبەجێکرنا ستراتیژیان بۆ پاراستن و پێشخستنا ساخلەمیا دەروونی.
4. -ئەنجامدانا کور و سمیناران ل قوتابخانان و تەرخانکرنا وانەیا تایبەت ب دەروونناسیێ.