ئــــەزم شـــاعرەکێ ب وەفا
بــو هــەوە دبێژم نەصیحەتا
ل کەســـێ ئـەز ناکــەم گەفا
گۆهـ ب دەنە ڤـــان حیکمەتا

زانین نــــوورە د نـــاڤ دلان
ڕێکا تــــارى دکەتە ڕووناهی
مرۆڤێ دگـــــەل بــێ ئەقلان
چ جــــار نــــا بینیـت بیناهی

رێکا زانینێ گەلــــــەك درێژە
تـــــــژی دڕکــــــــە و نەزانی
پەیڤا گــــــران تــــــو نەبێژە
بــــــەری بنیاتـــــێ وێ بزانی

هـەچیێ خودانێ ئەقڵی بیت
ناچیتە بـەر دەرگەهێ نەزانی
د نــاڤ خەڵکی دا بەیان بیت
دێ سەر بڵند بیت هەوە زانی

ســــڕا دلـــــێ خــــۆ نـەبێژە
بۆ هەر کەسێ کــو تو د بینی
ئــــــاڤــــا زەلال تــــو نەڕێژە
دا کـــــــو پاشــــی نـە نالینی

چاڤێ حەسید نەشێت بینیت
سەرکەفتنا کەسێ ل جیهانێ
ئەو دێ خەمـا ل دڵی چینیت
تێکدەت خۆشــــــی یا ژیانێ

نەیاری خـــــــۆ ل نانـی بگرە
نەکو ل بەر کەســــێ بچەمی
شەرەفا خــــۆ ل سەرێ بگرە
دا ب سەر بڵند بی هەر دەمی

ڕێــــزا جیرانـــــی بگرە دایم
دا تــــە هـەبیت بهـا و سەنگ
دەرگەهێ خرابیێ بـگرە قایم
دگەل نەکـەی هەوار و جەنگ

کەسـێ وەفـا ل جــەم نەبیت
نەکە هەڤـال ل ســەرێ ڕێکێ
ل ڕۆژا تەنـگ ئـــەو دێ چێت
دێ تـــە هێلیت د نیڤـــا رێکێ

دۆستێ دووری ژ کەسێ نینە
ل بەر تە ڕێکە ل پشت تە مار
دلـــێ وی یــــێ پــــــڕی کینە
ژ وی بـــــــاوەر نەکەی چ جار

بەری ب پەیڤی ب فکڕە بـاش
پەیڤ وەکـی تیرێ دەرکەڤیت
ڕێزا خۆ بگرە هەردەم ل پـاش
دا عەقڵێ تە ل ســەر بکەڤیت

بێ دەنگی گەلــــــــەك باشترە
ژ ئــــــاخفتنا بـــــــــــێ فایدە
ئەزمان درێژ ئەزمان خوشترە
خو ل هەمی شـولا نــە هایدە

ڕاســــــتیێ ب بێژە بەردەوام
چ جاران خۆ ل شاشیێ نەگرە
دا بمینی خـــــــودان ئیحترام
ڤان نسیحەتان ژ مــن وەرگرە