من چ ھەیە بدەمە تە گوری تەبکەم
ئەی وەڵاتێ بێ سەر؟
ھەر ئێک یێ پارچەکا تە بخۆ دکێشیت
لسەر تە یا کریە شەڕ
تۆ د قەیرانا دا خەندقاندی
رۆندکێن تە ژخوونێ بوونە جۆک و گەڕ!

من چ ھەیە بدەمە تە پێشکێشی تە بکەم؟
نە من مۆنیکا نە، نە ڤللەنە و نەژی قەسر
نە ژی گەنجینەنە نە زیڤ و زێڕ
نە من ماڵ و مۆلکن، نە ژی بیستان و زەڤی و زار
بۆ ئێتیم و ھەژارێن تە بفڕۆشم
بکەمە پاری و جلک و خانی و دار!

من بەس دلەکێ ھەی؟
ژ عەشقا تە یێ تژییە و پڕ
ھەرتم یێ مەست و سەرخۆشە و ھێڕ
یێ بوویە چاپخانا ھزر و پەیڤا
پەیڤ پەیڤ رستە رستە ژێ دەردکەڤن دبنە دێڕ دێڕ
بۆ بەژن و باڵاتە دبنە پەیڤێن جوان و گڕۆڤڕ
دا ئێدی پەزۆ جەلەبێ تە لسەر زەڤی و ئاقارێتە
گورگ و رووڤی نەخۆن نە کەنە بڕ!

ھەر پەیڤێن عەشقا منن..
بووتە دبنە بەفرو کەڤی..
د حەلییێن روویکێن تە دشۆن
ڤێدا دبنە جۆک و جۆبار!
ئەی ھیڤستانا دلێ من بۆچی تۆ کریە پار پار؟
یا ژوانڤە دێ ژ دلێ من دەرکەڤی!
ھێشتا نزانن تۆیی عەشقا ھەر و ھەر
ب چ رەنگا ژ دلێ من دەرناکەڤی ناچییە دەر؟
خۆ جەنگا جیھانی یا سیێ ژی بھێتە سەر!

ڤێجا دێ ڤی دلێ خۆ لسینگێ تە دەم
چونکی دزانم ئەڤرۆکە؟
یێ گێرێ لسەر سینگێ تە دکەن
رووڤی و گورگ و سەیێن ھاڕ
شێرا ژی دارستانا چۆلکری..
یێن ماینە پەپووک و ژار!
ئەرێ پەپووک و ژار..