هەناسەک ژ وارێ شەوق دای
ژ ژینگەها زوزانێن بای
ژ شڕ شڕا ئاڤا ریبارێ ژین دای
ژ پێهن و هلمریسینا
ئاخا ڤین دای
د هەلکێشیت
پاشی لسەر هەر تابلۆیەکێ
نەخشا بۆ هێلێن
تیرۆشکا رۆژی دکێشیت

د دێمێ شەڤێدا
دبیتە ڕەڤەندەکێ زڕبارکری
خوزیا ب ئەلندا سپێدێ ئاڤا دکەت
ل سەر هەر مانشێتەکێ
بیرەوەریێن کاڤلە گوندی
ل بیرۆکا خەونێن
خوەیێن سوتی دبیت خەلات

چار دبیت مەم خەما هەمی
زیندانیێن ب دەردێ
ئەڤینێ مرین ڕادکەت
ل باوەشا میرگەها زینێ
ل نڤشێ عەشقێ
بەکویا نەفرەت دکەت
چار ژی وی هەستێ تژی خوزی
ب لەشەکێ شادی و کەنی
دناڤ گورستانەکا تاری
ئۆمێدا دڤەشێریت.