چوارچۆڤەیێ بیرئینانا بیرووەرییا پیرۆزا شۆڕەشا مەزنا ئەیلۆلێ دا، ل وەلاتێ فرەنسا لژنەیا ناوچەیا فرەنسا دگەل (رێکخراوا مونتوبان) یا پارتی دیموکراتی کوردستان، و ب ئامادەبوونا رێکخراوا جەنگاوەرێن ولات، ئاهەنگەکا شایستە و پڕ ژ شانازی بۆ ڕێزلێنان ل خەبات و قوربانیدانا پێشمەرگەیێن قارەمانێن شۆڕەشێن ئەیلول و گولانێ ئەنجام دا.

ئەڤ ڕێوڕەسمە ب ئامادەبوونا بەرچاڤا کەسایەتیێن سیاسی و دیپلۆماسی یێن هەرێما کوردستانێ ل ئەورۆپا هاتە سازکرن، ژ وان ژی: ڕێزدار سەرحەد غەفووری بەرپرسێ لقا ٦ یا ئەورۆپا، ڕێزدار مەهدی شێلازی بەرپرسێ ناوچەیا فرەنسا، و ڕێزدار عەلی دۆلەمەری نوێنەرێ حوکمەتا هەرێما کوردستانێ ل فرەنسا، ب هەڤالینییا کۆمەکا بەرچاڤ ژ ڕەڤەندا کوردی و مالباتێن مەزنێن خەباتکاران.

د ئاهەنگێ دا، ئامادەبووان ب ڕێز و حۆرمەتەكا مەزن ڤە بیرەوەریا مێژووییا شۆڕەشا ئەیلولێ وەک وەرچەرخانەکا جەوهەری د خەباتا ڕزگاریخوازییا نەتەوەیا کورد دا بلند ڕاگرت. د بڕگەیەکا تایبەتا ئاهەنگێ دا، ژ لایێ بەرپرسێ لقا ٦ یا ئەورۆپا، بەرپرسێ ناوچەیا فرەنسا، و نوێنەرێ حوکمەتا هەرێما کوردستانێ ڤە، خەلات و دیاریێن ڕێزلێنانێ ب سەر ژمارەیەک ژ پێشمەرگەیێن دێرینێن شۆڕەشا ئەیلولێ و گولانێ یێن ئاکنجی بویێن ل وەلاتێ فرەنسا هاتنە بەخشین، وەک وەفاداریەک بۆ وێ خەبات و ماندووبوونا وان د پێناڤ پاراستنا ناسنامە و ئاخا کوردستانێ دا کێشای.

د پەڕاوێز و بەردەوامییا ڤان چالاکیان دا، شاندەکێ باڵا ب سەرۆکاتیا بەرپرسێ لقا ٦ یێ ئەورۆپا سەرەدانا مال ب مال یا مالباتێن سەربلندێن شەهیدێن شۆڕەشا ئەیلولێ و گولانێ ل فرەنسا کر. د ڤان سەرەدانان دا، پەیاما وەفاداری و ڕێزگرتنا سەرکردایەتییا سیاسی یا کوردستانێ گەهاندە مالباتێن شەهیدان، و جەخت ل سەر هندێ هاتە کرن کو خوینا شەهیدێن ڕێکا ئازادیێ هەردەم هێڤێنێ دەستکەفتێن ئەفرۆ یێن هەرێما کوردستانێ یە و چ جاران ژ بیر ناچین.