Kurd Diaspora
كوشتنا شیانان ل بن سیبەرا هیڤیێن دەیك و بابان دا
مرۆڤان حەز و شیان و هزرێن وان ژێك جودانە، هەروەسا كەلتور و ئاینێن ژێك جودا هەنە د هەر مللەتەكی دی ل جیهانێ بێ گومان ل زانستێ دەروناسیێ دا ب تایبەت زانستێ دەروناسیا نوی و سەردەم دا، گرنگیەكا زور ب جیاوازیێن تاكە كەسی هاتیە دان ژلایێ دەرونی ڤە، و حەز و شیانێن مرۆڤان دیاردەكا زۆرا بەر بەلاڤە د جڤاكێ مە دا هەی ئەوژی بریار دانە لسەر شیانێن زاروكی ژلایێ دەیک و بابان ڤە پرانیا جاران ژی ئەو بریارە دگەل حەز و شیانێن زاروكی ناگونجن، د ڤی بابەتی دا دێ تەكەزێ لسەر شیان و بەهرەیێن زاروكی كەم یێن كو دهێنە مراندن ژلایێ خێزانێ ڤە ب بریارەكا نە گونجای دگەل شیانێن وی، گومان تێدا نینە كو هەر كەسێ دەیك بیت یان باب بیت هەردەم ساخلەمی و ئارامی و خواندنەكا باش بو زارۆكێن خو دڤێن لەورا گەلەك جاران د پروسەیا خواندنێ هندەك بریارێن نە خوازراو لسەر شیانێن زارۆكی ددەن، هەر ل دەستپێكا ژیێ زاروكی یێ خواندنێ تاكو دگەهیتە قوناغا ئامادەیی فشار بو زارۆكی دروست دبن ژبەر بریارێن خێزانێ و هەر وەكی دبێژنێ
ل پاشەروژێ پێتڤی یە ببیە ئەندازیار یان نوژدار یان ژی پێدڤیە ببیە ماموستایێ بابەتەكێ دەستنیشانكری ژلایێ دەیبابان ڤە بێی بەرچاڤ وەرگرتنا جیاوازیا شیانان لدەف زارۆكی، شیانێن زارۆكی د جودا نە ژ هیڤی و خەونێن خێزانێ و جودا نە ژ
شیانێن زارۆكەكی دیتر دبیت زاروكەكی شیانێن بابەتێن بیركاری لدەف گەلەك بهێز بن زاروكەكێ دی شیانێن ئەندازیاری زاروكەك ژی ڤیان و شیانێن وی بوو كارەكی هونەریە وەك وێنەكێشان ژلایێ دەرونی ڤە ئەو زاروكێن كو ب حەز و شیانێن خو نە دەرباز بووینە بوارێ خو یێ خواندنێ توشی فشارێن دەروونی دبن وەك دوو دلیەكا زور و بێ هێزی د خواندنێ دا
ئەو زارۆكێن حەزا وان بخو نە بیت گرنگیێ پێ نادەن و كەرب لدەف پەیدا دبن
گرنگە خێزان شیانێن زارۆكی لبەر چاڤ وەرگرن ب رێكا هندەك خالان:
١ ـــ چاڤدێریا خێزانێ بو زیرەكیا زارۆكی د ژیێ وی یێ دەستپێكێ دا ل قوناغا دستپێكا خواندنێ تاكو قوناغێن دی یێن خواندنێ، ژبەر كو تەمەن بوو تەمەنی دگەل قوناغێن خواندنێ هزر دهێنە گوهورین دگەل گوهورینێن دەروونی و جەستەی یێن لدەف زارۆكی دروست دبن وەكی وان گوهورینێن لدەف زارۆكی پەیدا دبن د ژیێ سنێلەیێ دا ژبەر قوناغا سنێلەییێ پتر وەل زارۆكی دكەت هزر د خۆدا بكەت و گوهورینا سەر و سیمایێ زارۆكی و پتر هشیاری وی د ژیانێ دا لەورا پێتڤی یە چاڤدێری بوو شیانێن زارۆكی هەبیت دگەل گوهورینا وان د قوناغێن جودا دا
٢ ـــ نمرە نە بیتە ئەگەرێ بهایێ زارۆكی
شیانێن زاروكی ب نمرەكی ناهێنە هەلسەنگاندن، گرنگە گرنگی ب هەول و بزاڤێن زارۆكی بهێتە دان، نە بدەست ڤە ئینانا نمرەكی دا كو ژمارا وێ نمری بوو خێزانێ ببیتە ئەگەرێ سەرنجراكێشیێ ژبەر كو نمرە نابیتە ئەگەرێ هندێ كو شیانێن زارۆكی هەمی پێ بهێنە هەلسانگاندن بارودوخ و ژینگەها وی یا خواندنێ زۆر جارا د خازیتە بدەست ڤە ئینانا نمرەیان چ كێم یان زۆر.
٣ ـــ زارۆكی ئازاد بكەن ژ بو بدەست ڤە ئینانا حەز و شیانا، گرنگە رێ ب زارۆكی بهێتەدان د هەلبژارتنا وی دا بو هەر خواندنەكێ یان كارەكی، خویایە ئەڤە ب تنێ ب ئەرك و وانەیێن خواندنێ بدەست زارۆكی ڤە ب ئەرك و كارێن دەرەكی بدەست ڤە دهێت و ئەو ژینگەها تێدا دژین نمونە كارێن تەکنولوجی و هونەری و بابەتێن گرنگ نڤێسینا چیرۆكان سەرەرای بوچون و هزرا دەیبابان هەردەم جهێ رێزێ یە و هەردەم حەز دكەن د بەرژەوەندیا زارۆكی دا بن بەلێ شیان و حەزێن زارۆكی كاودانان د گوهورن ژ نفشەكی بوو نفشەكێ دی.
٥ ـــ خو دویركرن ژ بەراوردكرنێ، هەر وەكی د گەلەك بابەتێن دی دا من تەكەز ل ڤێ خالێ كریە كو ب چ شێوەیان زارۆك نەهێتە بەراوردكرن دگەل زاروكێن دی دبیت زارۆكەكی هەمی حەزا وی كارێ نوژداری بیت زارۆكەكی حەزا بابەتێن مێژووی و ئەدەب بیت هەمان دەم دا زارۆكەكی حەزا بابەتێن كومپیوتەری هەبیت بەراوردكرنا زارۆكی دگەل زارۆكەكی دی نە باوەری بخو بوونێ و لاوازیێ د كەسایەتیا زاروكی دا دروست دكەن.
زاروكێن ئەڤرو نە دبنە گەنجێن داهاتوی گرنگە گرنگی ب شیان و هزرێن زارۆكی بدەین ژ بوو ئاڤاكرنا جڤاكەكێ پر ژ زانین و بهێز.
پێداچوونا زمانی: مەتین وەرمێلی
كۆمێنت (0)
هێشتا چو كۆمێنت نینن