خەلاتێ سوارچاکێ پەیامێن ئاشتییێ

ئەگەر دەم بۆ تە پەیدا ببیت گوهێ خۆ بدەیە گوتارێن رێزدار "نێچیرڤان بارزانی" یێن بەری بیست سالان گوهارتن د هەر گوتارەکێ بۆ ئێکا دیتر دا هەنە. بەلێ خala هەڤپشک د هەمی گوتارێن ڤان هەمی سالان دا ئاشتی یە وەکو ستوینەکا سەرەکی کو پەیام پێ دهێتە گەهاندن پەیاما پێکڤەژیان و ئارامییێ. ئەڤه راستیەکە د هەر گوتارەکێ دا دهێتە هەستکرن لێ ئەگەر هویرتر ل کەڤالی بنێرین دێ هەست کەین ئەڤ ئاشتییە نە هەما گوتنەکا بێ کریارە و هەر هند، بەلکو کەڤالێ هێزێن ئەقلیمی، هاتن و چوونێن دناڤ شێل و بێلا ناڤخویی هەتا دگەهیتە جیهانا زلهێزان، هەر هەمی دەنگێ ئاشتییێ نە، رەنگ و بزاڤن بۆ ئاشتیێ.

ئیتالیایەک کو ئێک ژ زلهێزێن دونیایێ یە ئەڤێ ببینیت و بەرچاڤ وەربگریت و مەزنترین میدالیا خۆ یا رێزگرتنێ وەک ئێکەم کەسایەتیێ دەڤەرێ پێشکێشی رێزدار "نێچیرڤان بارزانی" بکەت ئەڤە نە هەما روودانەکا ئاسایی یە، بەلکو نامەیێن هورتر و کویرتر هەنە. رامانا ژ هەمیا زەلالتر، ئێدی زلهێز بتنێ گرنگیێ نادەنە دەنگێن پەقینان و بازرگانیا چەکی ! بەلکو دەنگێ ئاشتیێ لکیژ قولاچێ بهێت جهێ گرنگیێ یە، ب تایبەتی لدەڤەرەکا وەکیا مە هەمی ئاگر و خوین و نێچیرڤان بارزانی هەر خۆدانێ پەیامێن ئاشتییێ بیت و بشێت دڤی چارچوڤەیێ هوسا یێ بچویکێ هەرێمێ نەهەما ئاشتیێ وەک پەیام بلند بکەت بەلکو ب کریار کاریگەریێ بکەت و دەرێن تڤەنگان نخوین بکەت ئەنیێن گرێ و چاڤێن سۆر تژی گرنژین بکەت، هەلبەت ئەو وارێ ئەڤ پەیامە لێ بلند ببن دێ گەلێن جودا و ئولێن جودا بینن هێلینەکا ئارام بۆ مانا خۆ، کەساتیەک ل رۆژهەلاتا ناڤین کو گوتن و کریار و بزاڤێن وی هەمی ئاشتی بن ئێدی نە بتنێ دناڤ ڤی ئاگری دا بەلکو ل جیهانا ژ دەرڤە ژی نەبتنێ هەست پێ دکەت بەلکو وەکو سومبولەکا ئاشتیێ یا زیندی و کاریگەر دهێتە دیتن و رێز لێ دهێتەگرتن، ڤێ میدالیێ گۆتە جیهانێ کورد چەند ل مەیدانا شەری قەهرەمانن هند و پتر ژی ل مەیدانا ئاشتیێ و تەناهییێ قەهرەمانترن، ئەڤ خەلاتە یێ کەسەکی بتنێ نینە چونکی شەر چەند درێژ ببن کورد هەر پەیامێن ئاشتیێ ژبیرناکەن، نەبتنێ ئەڤرۆ ئەڤ گازیە هەیە بەلکو بەرپەرێن دیرۆکێ ژڤێ راستییێ د پرن.