كچێ وەنەكەى،
ئەوان بریێن خویێن جان
کچێ تاتو نەکەی
مژیلانکا ب ئارمیشی
درێژ و مسکار نەکەی
پاشی تو نەشیی بريا تاتو
بکەیە کڤان
مژيلانكا بکەیە تیر و
د جەركێ من وەركەى

کچێ وەنەکەی
خیج و خەتێن
ل دورا چاڤا
بهێلە وەک خۆ بلا
نيشانێت خەما عشقا
مەنە هەى رحا دلا
تو بخودێ نەکەی
بوتوکس نەكەى
ئەو ریکێت ژ بەلگێت صورگولا
نه وەرمینە لبەر
دەرزیان و تلا
پاشی صورنابن
ژ ماچان و زلا
تو ب خودێ کەی
فیلەر و کولاجین نەکە،
ئەگەر دێ هەر وەکەی
زانی ج بکە؟
و ناڤێ من لسەر دلێ خو تاتو بکە
هند ڤیلەر و پوتوکسێت …
عشقا من لێبدە …..
تەمەت عەردو
ئاسمانان مەزن بکە

كچێ وەنەکی
ئەو سینگ و بەرێ
کوردەواری یێ ب رومەت
ب سلیکونى گوڕوڤر نەکە
کچێ شەماموکێن وەرزابن
يان ژى هێکێت مێکەوا بن
گرنگ ئەوە یێت من بن و
بتنێ ب عەشقا من پەرژانبن

کچێ وەنەكه
نێ هەمی ژنێت جان
نە هێژانە
لێ هەمی ژنێت دلوڤان
مرازا دلێ زەلامانە
کچێ من تو دڤێی
ب جوانیا تە یا کوردەواریڤە
بشەر و ئاشتێت تەڤە
ب ساری و تامساریێت تە ڤە
تو پادیشاها دلێ منی
تو خاتینی
تو پێدڤى چ نشتەرگەریا،
تاتويا و پوتوكسا و فيلەرا نينى