Kurd Diaspora
وهڵاتێ مە کوردستان تۆ چهندا جوان و رند و شرینی پڕی كانى و روبار و باغ و بيستان و گوندى، تژى چيا و دول و نهالێن بلندى، تو ههمى زێر و مهعدهنی، شڕشڕا ئاڤا چەم و رووبارێن تە ئاوازێن دلڤەکەرن دلێ مرۆڤی تژی ئەڤین و عەشق و خۆڕاگری دکەت، ھەستا ژییاتییێ دسینگێ مرۆڤیدا مکۆم دکەت، ھێلین و وارێ بابو کالێن مەیی، ئەم بتە چەند سەرفراز و سەربلندین، تە ھەست و ھزر و چاڤێن مە ب جوانیا خۆ ڤە یێن داگیرکرین، ئەم گیرودەی عەشقا تەینە تو چاڤ و دل و گاڤ و دەستێن مەیی، ئەم بتە یێن ھەین. ئەم چەند حەز ژ تە دکەین تو دایکا تەڤ وەڵاتانی و ھێلین و بیبیکا ھەر دوو چاڤانی، ھەبوونا مە و سەرفرازییا مە بتەڤە گرێدایە چ تشت ناھێنە بەرانبەری تە، ھەمی تشت قوربان و حەیرانێ جوانی و خۆڕاگریا تەنە، تو ھند یا شرينى لبهر دلێ مە چ پێنووس چ ھزر نەشێن پەسنا تە بکەن و تە وەسف بکەن، راستە دبێژن(شام شەکرە لێ وەڵات شرینترە)تۆ لنک مە ژ ھەمی وەڵاتێن جیھانێ جوانتر و بھاتری، تو وەڵاتەکێ پڕی سەرھاتی و روودان و پەندی تە ب چ ڕێکا ھەی ھەمی ئاستەنگێن شەقاندین و دەرباز کرین و تە کۆفیکا خۆ یاخارکری و بەرەڤ سەرفەرازیێ پێنگاڤا دھاڤێژی، ههر دارهكا ته ههر تڕاشەکا ته، داستانهك و چيروكهكا تراژيدى يه، ئهڤينا ته يا مهزن و جوانیا سروشتێ ته گهلهك قارهمان و مێرچاك و پهلهوان يێن بن ئاخكرين، چونكى تو خوينا دلێ وان بوى، ئاخ وهلات تۆ چەندێ جوان و شرینی، شههید و هنگڤينى لێ ئهڤروكه ههمى كول و كوڤان و برين، مخابن یێ گۆما خوینێ وەربوی لێ ھەر نەکەفتی و ناکەڤی، باوهربكهن وهلاتهكێ هوسا جوان و پڕی خێر و بێر ل جیھانێ ھەمیێ نینە و بدەست ژی ناکەڤیت!ئهگهر خهلكى وهلاتهكێ هوسا ههبا داكهنە بەحەشت و وەک بیبیکا چاڤا دا پارێزن و گرنگیێ پێدەن و دا بجوانترین شێوە ئاڤەدان کەن، لێ ئهڤرۆ مه وهلاتێ خۆ يێ ب پشتگوهڤه هاڤێتى وەکی پێدڤی مە گرنگی ب جوانی و رندیا وی نەدایە، کلیلا بەختەوەریا مە یا ددەستێن وەلاتێ مەدا ئەم ب وی سەربەرزو سەربلندین، وەلاتی بگرن دەستا ژ ھەر تشتێن دی بەردەن، سامان و پاره و قهسر و مونيكا دەستکەفتییێن دەمکی نە، وەرن دا ھەمی تشتا بکەینە دخزمەتا وەلاتێ خۆ یێ جواندا ئەوە سەرفرازیا مە، وەڵات ھەمی تشتە و ھەمی تشت بۆ وەڵاتییە. گەلەکا گرنگە ئەم ھەمی کار بۆ ئاڤاکرنا وەڵاتێ لسەر شەنگستەکێ راست و دورست بکەین و ھەمی تشتا گوری مەزن وھەیبەتا وەڵاتی بکەین، ئەم ب وی مرۆڤین و دسەرفرازین، وەڵات ھەمی تشتێ مە بو تە دگەل خوینا مە، بەس تۆ بومەیی و بەس.
وهڵاتێ من کانیا زێری
ژجوان نازكيێ تۆ تێرى
پرى قارهمان و مێرى
نەھێلە رووڤی بێنە جھێ شێرى !!!ئاخ وهلاتو ... وهلاتێ شرين !
بێداديێ ل سينگێ تە ڤهكرن هزار زام و برين !
فایدە ناكهت زێمار و گرين
ژ دهردێ ته ئهم دێ مرينئاخ وهلاتو ئهز دزانم
ئهو دهردێ ته دار بداره
تفا ئهڤرازا تاڵم
لهو دناڵم و ههر دناڵم
چونكى يێن بهربوينه گيانێ ته ...
هزار زاڵم هزار زاڵم .
گرنگە ھەمی تشتێ مە بۆ ئاڤاکرن و جوانکرنا وەڵاتێ مە بیت، ئەم ب وی خودان و شکۆ و ھێزو ئیرادەینە، کلیل و کاکلکا سەرفرازیا ھەر گەل و مللەتەکی ئاخ و نشتیمان و وەلاتە، لەوما دێ بێژین وەلات ئەم بووتە دژین و بووتە دێ مرین، ھەمی تشت ل پێناڤی تە و بووتەنە، وەلاتێ شرین.
پێداجوونا زمانی؛ مەتین وەرمێلی
كۆمێنت (0)
هێشتا چو كۆمێنت نینن