ل ڤی واری چما ئەی دل؟
هیڤی کەتن پێلێن ئاڤێ
نەما دخوینن کەو و بلبل
کینە ل نێچیر و ڕاڤێ

ل ڤی شاری ژیر و زانا
ل ناڤ خەما مانە هندا
ڕۆژ ڕۆژا دەهۆل و زڕنا
خوە پێ بادن ل گوڤەندا

ئەز دنالم بۆ ڤی شاری
گوڤەند لێ بوو بەر و ڤاژی
سوند دخۆم ب ڤی دەست و داری
ڕێکا مە دێ بت ئەڤرازی

کانێ سەرکێشێ گوڤەندێ
ژ خەو هەستە هەتا کەنگی
هەتا کەنگی ئەم ل بەندێ
ئەم بسۆژین ب ڤی ڕەنگی

بەرژەوەندی بوویە پەیڕەو
یێ کەس نەبت ل پاشڤە دمینت
ل ڕێزا ئێکێ یێ دوهی ل خەو
ل سەر کورسیکێ خوە دهەژینت
ڕەوشەنبیرێت مە بێدەنگن
ئەڤرۆکە پرت و بەلاڤن
خامەیێن وان هەمی شکەستن
دامایی نە سست و خاڤن

کوردینی بوو بازرگانی
لەوا حالێ مە بوو ئەڤە
خەلک فرین چوون ئەسمانی
هێشتا ل وارێ مە شەڤە

وەرن مرۆڤا ئاڤاکین
وەکی خەلکێ بچین پێشڤە
یێ نەژهەژی ژ ناڤ خوە ڕاکین
دەست د ناڤ دەست بچین پێشڤە