دینێ

دینێ
دینێ
هەمی دین نە ئەون
د چنە چیا
دینێت وەکی تە ب ئەڤینێ
ئاگری بەردەنه
جەرگ و هناڤان و سیها

دینێ
ئەڤە ژ روژا من
تو ناسکری و
تە دیناتیا خلاس کری
جار من دشکێنی و
من لێکدەیە ڤە
جار ژی من د کوژی و
جارەکا دی رحێ
دمن هەلدەیە ڤە
جار ئەز د دەستێ تەدا
وەلی مە دینێ
جار ژی هەما
خولیا بنێ کوچکی مە

دینێ تە فێرکرم
ژین ئەڤینە
ئەڤین گری گرنژینە
مرادا هەمیا ئەڤینە
ئەڤین بدیناتی شرینە

دینێ
جار تو عەورەکێ
رەش و تاری
تە سل بون و جوداهیە
جار ژی تو عەسمانەکێ
شینێ ساهی
تە ئاشت بونە و ئەڤینیە
و ئەزێ ژتە دین تر
ب عەشقا تە هار تر
ئەز باش دزانم
دەسپێکا عەشقا تە دیناتیە
و دوماهیا وێ قوربانیە
لێ هەر من
تێکوشین و کێفەراتە
کو شەهید بون
د رێیا عەشقا تە دا
دینێ ئەو
مەزنترین خەباتە