Kurd Diaspora
ل گوندەکێ بچووک و نێزیکی باژێڕی خانیەک ل رەخێ گوندی هەبوو، خێزانەکا کەیف خۆش و تژی ڤیان و ئارامی دناف دا دژییا. خودانێ ڤێ مالێ ناڤێ وی “سامی “بوو. “سامی “ دلەکێ گەلەک گەرم و مەزن هەبوو، هەر دەمێ جیرانەک یان هەڤالەک یان مەزنەکێ گوندی پێدڤی هاریکاریێ ببا، سامی بەری هەمیان ب دەستەکێ ڤەکری دەستێ هاریکاریێ بۆ درێژ دکر. ئەوی هەردەم دڤیا ئاریشێن خەلکی چارەسەرک بکەت، لێ گەلەک جاران ئەڤ تشتەک ب سەرێ وی د هات: “دەمێ پێدڤی خودانێ مالێ نەل مالە”
رۆژەکێ ژ رۆژان، وەرزێ زڤستانێ بوو و دەمەکێ سەرما و بارانا بهێز ل دەڤەرا وان دەستپێکر. ئەسمان ب دەنگێ بریسیان و بارانەکا گەلەک و ب لەز ب سەر گۆندیدا هات خوار. خانیێ “سامی “ گەلەک یێ کەڤن بوو، بانێ وی ژ ئاخ و داران هات بو دروست کرن، و پێدڤی ب هندەک نیژەنکرنا هەبوو لێ “سامی “ هزر دکر هێشتا ئەو دەلیڤە نەهاتیە ڤی کاری بو مالا خۆ ئەنجام بدەت، ژبەرکو هەردەم مژیلی هاریکاریا خەلکی گوندی بوو.
ئەو بو رۆژەکێ ژ رۆژان، بارانەکا بهێز ب سەر بانێ خانی دا هاتە خوار و ئاڤێ دەستپێکر ژ چەند جهێن جودا جودا هات خوارێ و ژورا رۆنشتنێ وەکی ڕوبارەکێ بچووک ئاف لێ چوو.
خێزانا “سامی “هەلال “و زارۆکێن وی گەلەک ترسییان کو خانی ب سەر دا بهیت “هەلالێ “ب لەز کەل و پەلێن ناف مالێ ژ بەر ئاڤا هاتیە دژورڤە برنە ژ دەرڤە، لێ ئاڤ هەر ب لەز زێدە دبوو “هەلالێ “د دلێ خۆدا گۆت: راست “سامی “حەز دکەت هاریکاریا خەلکی هەمیان بکەت، لێ ئەڤرۆ دەمێ مە گەلەک پێدڤی ب هاریکاری وی هەی ئەو نەل مالە.
“هەلالێ “ ژی دەستدا تەلەفۆنا خو بۆ “سامی “ کر وی تەلەفۆنا وێ راکر ب دەنگەکێ ماندی بەری باخڤیت گۆت: “هەلال “ ئەز یێ دگەل هندەک هەڤالا مە، ئەز نوکە یێ کارەکێ خێرێ دکەم،بلا ب دوماهیک بهێت دێ زڤڕمە ڤە لێ پشتی زڤری گەهەشتە ترافیک ژبەر بارانا گران رێکا وی درێژ تر لێهات نەشیا زی بگەهیتە مالێ.
“هەلال “دیت “سامی “ گەلەک گیروبو و خانی بەرەڤ خراببوونێ ڤە دچێت. کچا وان یا مەزن ب ناڤێ “لولاڤ “ گۆت: دادێ دڤێت ئەم ترسا خو ژ دلێ خۆ دەربێخێن، ئەم هەمی دێ دەستێن خۆ دکەینە تێكدا و ڤی باری گران ل سەر ملێن خۆ راکەین زارۆکان پێکڤە دەستپێکر ئاڤ ژ مالێ دەرئێخستە دەرێ.
د هەمان دەم دا، جیرانێ وان یێ خێرخواز “جەمالێ کورێ ئەمینی “ دەمێ دیتی ئەو ئاریشە ل مالا “سامی “ رودایێ و ئەو خۆ ژی ل مال نینە، بێ دوو دلی هات دگەل زارۆکان کار کر تا کو رەوش کۆنترۆل کری مال هەمی ژ ئافێ پاقژ کر.
پشتی دەمژمێرەکێ “سامی “ ب لەز گەهشتە مالێ. دەمێ دەرگەهـ ڤەکری و دیتی مال هەمی یا پاقژ کری، و جیران و خێزانا وی ب ماندیبوون ل وێرێ راوەستاینە”سامی “ گەلەک شەرم ژ خۆ کر و پەشێمان بوو.
سامی سەرێ خۆ بلند کر و گۆت: سوپاس بۆ تە “جەمالێ کورێ ئەمینی “، و لێبوورین بۆ تە “هەلال “ و زارۆکان. ئەز ل ڤێرێ فێری وێ چەندێ بووم کو هەردەم خزمەتا خێزانا خۆ و زارۆکێن خۆ بکەم، لێ مێژوویێ و ئەڤرۆ جارەکا دی گۆتە من: دەمێ پێدڤی خودانێ مالێ نەل مالە، مرۆڤ دڤێت بەری هەمی تشتان بەرپرسیاریا مال و خێزانا خۆ بکەت.
كۆمێنت (2)
سلاڤ،ئەڤ چیرۆکە دەربڕینێ ل ژیانا باب و کالان دکەت ل گۆندان، وەکو تێبینی پێدڤی بوو، ئاماژە ب ئامیرێ تێلەفۆنێ نەهاتبا دان، ژبەر کو وی سەردەمی تشتەک نەبوو بناڤێ تێلەفۆنان،یاباشتر ئەوە بشێوازەکێ دیتر ڕستەیەکا دی ل جهێ تێلەفۆنێ هاتبا بکارئینان.
سلاڤ،ئەڤ چیرۆکە دەربڕینێ ل ژیانا باب و کالان دکەت ل گۆندان، وەکو تێبینی پێدڤی بوو، ئاماژە ب ئامیرێ تێلەفۆنێ نەهاتبا دان، ژبەر کو وی سەردەمی تشتەک نەبوو بناڤێ تێلەفۆنان،یاباشتر ئەوە بشێوازەکێ دیتر ڕستەیەکا دی ل جهێ تێلەفۆنێ هاتبا بکارئینان.