ڕەڤینا مەزن: تێکەڵبوونا دین و هشیاران

سالا ١٩٦٠ێ، ل ئێک ژ نەخۆشخانە و زیندانێن دەروونی ل تورکیا، نێزیکی (٤٦٠) نەخۆش و زیندانیێن دەروونی شیان ژ زیندانێ بڕەڤن و بکەڤنە ناڤ کۆڵانێن باژێڕی دا. ئاریشەیەکا مەزن د ناڤ باژێڕی دا پەیدا بوو؛ دین و هشیار تێکەلی ئێک بوون، و ڕێڤەبەرێ زیندانێ نەشیا وان ژ خەڵکێ باژێڕی لێک جودا بکەت، چونکی وەک ئێک ددیار بوون و کەسێ ژی ناسنامە و ناڤێ خۆ نەدزانی.

ڕێڤەبەرێ زیندانێ ب لەز هنارتە ل دووڤ دکتۆرێ تایبەتێ دەروونی یێ نەخۆشخانێ. دەما گەهشتی، گۆتێ: «دکتۆر، ئاریشەیەکا مەزن یا بۆ مە چێبووی؛ ژمارەیەکا زۆر ژ زیندانیێن مە ڕەڤینە ناڤ باژێڕی و ئەم نزانین دێ چەوا وان ژ خەڵکێ سڤیل جودا کەین و کۆمڤەکەین، چونکی زیندانی ناڤێن خۆ نوزانن.»

پیلانا دکتۆری: شەمەندەفەرا فیتکێ

دکتۆری پیلانەکا زیرەکانە دانا و گۆتە ئێک ژ قوتابیێن خۆ: «فیتۆکەکێ (صافیرەیەکێ) بینە! کارگوزار و خزمەتکارێن زیندانێ ل دیڤ خۆ ڕێزبکەن، تۆ فیتکێ لێبدە و ب ڕێڤە هەرە، ئەڤێن دی ژی بلا ل دیڤ تە بهێن.»

وەسا ڕێککەفتن کو نۆرە و ڕێزەکا درێژ وەک قیتارێ (شەمەندەفەرێ) چێکەن؛ سەرکێش ل بەراهیا وان فیتکێ لێبدەت و ب کۆڵانێن باژێڕی دا بچن. دەما گەهشتینە ناڤ سەنتەرێ باژێڕی، هەر دینەکی ئەو نۆرە دیت، بێی پرسیار کەتە دیڤ نۆرێ و کۆڵان ب کۆڵان ل دیڤ گەڕیان هەتا کو سەرکێشێ وان زڤڕییە حەوشا زیندانێ. دەما زڤڕین، نۆرە هێشتا درێژتر لێ هاتبوو؛ سەرکێشی فیتک لێدا و چەپ دا دەرگەهێ حەوشێ، هەمی کرە د حەوشێ دا و دەرگەهـ ب توندی گرت.

مفاجەئەیا هژمارێ و پەیاما ڕاستەقینە

ڕێڤەبەر هاتە ناڤ حەوشێ و بەرێ خۆ دا خەڵکی، تووشی سەرسوڕمانەکا مەزن بوو! گۆت: «تنێ ٤٦٠ زیندانیێن مە ڕەڤی بوون، بەلێ نوکە ١٨٠ کەس ل سەر زێدە نە! وەسا دیارە کو دین نە بتنێ ئەون یێن د زیندانێ دا هەیین، بەلکو گەلەک پتر ژ وان د ناڤ جڤاکی بخۆ دا هەنە. چونکی ئەوێ بێی هزرکرن ب دیڤ دەنگێ فیتکێ کەفتی و گەهشتیە نۆرێ و هاتیە زیندانێ، ئەو بخۆ ژی یێ دینە و چ ژ مەرەما وێ فیتکێ نەزانییە.»