خوزی شیابام
ببمە پاکە دەستمالەک و
من رۆندکێن گرانبهایێن
هەژارا ئێک ئێکە
مالیبان و پاک کربان

خوزی شیابام
ببمە سەیرە دەرمـانەک و
من ژان و نالینێن
نەخوشان ئێک ئێکە
تەنا و ئارام کربان

خوزی شـیابام
ببمە وەڵاتەک ئارام و
من هەمی دەستکورت و
دەربەدەر ئێک ئێکە
تێدا دانابان و حەواندبان

خوزی شیابام
ببمە هێڤێنە هەلبەستەک و
من سارێژکربان ئێک ئێکە
دلێ دلدار و عاشقان

خوزی ببام تیژە مشارەک و
من ئێک ئێک بڕیبان
دەستێن درێژ دبنە تە
ئەی شەکرە وەڵاتێ من
دایکا (کوردستان)