باوەری بخۆ بوون کلیلا سەرکەفتنێ یە

گرنگیا باوەری بخۆ بوونێ:

مرۆڤ د ژیانا خۆدا ڕوبەڕویی گەلەک بارودۆخێن جیاواز دبیت؛ هندەک جار سەرکەفتنە و هندەک جار شکەستنە.

ل ڤێرێ ئەو مرۆڤە دگەهیتە سەرکەفتنێ، کو باوەری ب خۆ و شیانێن وێ نەهێلیت ب شکەستنێ بشکێت.

باوەری مرۆڤی هانددەت بێ ترس هزرێن خۆ هەلبژێرێت؛ کەسێ باوەری ب خۆ هەبیت، هەول ددەت ژ خەلەتیێن خۆ فێر ببیت و جارەکا دی هەولێن خۆ دەتەڤە.

چەوا باوەریێ بخۆ دروستکەین؟

بۆ دروستکرنا باوەریێ، پێتڤیە مرۆڤ دەستپێکێ خۆ بنیاسیت و خالێن بهێز و لاوازێن خۆ بزانیت، پاشی پێتڤیە ئارمانجێن خۆ دیار کەت و پێنگاڤ پێنگاڤ بەرەڤ وان بچیت.

خاندن، فێربوونا تشتێن نوی، کارکرن و بەردەوامی د هەولدانێ دا، هەمی دشێن باوەریا مرۆڤی ب خۆ زێدە کەن. هەروەسا پێتڤیە مرۆڤ خۆ ب کەسێن دی بەراورد نەکەت، چونکی هەر کەسەکی ژیانا خۆ، شیانێن خۆ و ڕێکێن تایبەت یێن هەین.

باوەری بخۆ بوون ل دەف ئافرەتان:

باوەری ب خۆبوون تایبەتە، ل ژیانا ئافرەتان دا ڕۆلەکێ گرنگ هەیە.

ژن ئەگەر باوەری ب خۆ هەبیت، دشێت بخوینیت، پێشکەفت، هزرێن خۆ دەربڕیت و بگەهیتە ئارمانجێن خۆ.

ئەو ئافرەتا باوەری ب خۆ هەبیت، نە بتنێ بۆ خۆ، بەلکی بۆ مال و جڤاکی هێز و هیڤییەکا باشە. ژ بەر ڤێ چەندێ، پێتڤیە دایک و باب و جڤات پشتەڤانیێ ژ کچان بکەن و دەرفەتێ بۆ پەیداکرنا شیانێن وان چێکەن.

ڕۆلێ شکەستنێ د ژیانا مرۆڤی دا:

هندەک مرۆڤ ژ شکەستنێ دترسن و ژ ترسا نەسەرکەفتنێ هەولێن خۆ نادەن، لێ شکەستن نە دوماهیا ژیانێیە، بەلکی دشێت وانەیەکا گرنگ بیت بۆ سەرکەفتنا داهاتی.

گەلەک کەسێن سەرکەفتی د ژیانا خۆدا ڕوبەڕوی ئاستەنگان بووینە، لێ جوداھی دناڤبەرا وان و کەسێن دی دا ئەڤەیە، کو ئەو ژ هەولدانێ نەهەژیاینە. ژ بەر ڤێ چەندێ، پێتڤیە شکەستنێ وەک وانەیەکا فێربوونێ ببینین، نە وەک دوماهیکا ئارمانجانان.