Kîç teşya dayê drêsit

Gotinên Pêşînan û Cewherê Hîkmetê

Gotinên mezna yan pendên pêşînanên Kurdî nexşe lberîne û honereke j honerên bab û kalên me yên bo me mayn û gehiştine me. Eger mirov pêdaçûnekê dwan gotinada bket dê bome bîrtîjî û zanîn û têgehiştna pêşînanên me û hzr û bîrên wan diyar bît. Mirov dê zanît ku ew jî xudan zanîn û dahênan û tştên jwan bûn. Em dşêyn bêjîn hndek bab kalên me 'alim û zanabûn û xudan hîkmetên jwan bûn. Ev pende jî êke j wan gotinên wan yên prî hîkmet û zanîne, ku raman û wêneyên civakî yên jwan têda diyar dbin. Ev gotne bi şêwazekê hostayane peywendiya dnavbera daykan û kîçan û kartêkrna wan li ser êkodû nîşan ddet.

Raman û Demê Gotna Wê

Ev pende li ser bnemayê "çavlêkrnê" û "perwerdeyê" ya hatiye avakrn. Teşî rêstn karekê hûr û b sebre, honereke j honerên serdemê berê, gelek tşt bi rêstnê dihêne çêkrn. Kîç jî li destpêka jiyana xo, daykê dbînit û hemî kar û reftarên wê j ber dket, dbîte lasaykera wê û ew çî bket kîç her zû werdgrît.

Ev Pende d Van Haletan da Dihêt e Gotn

Kartêkrna daykê: Demê kîçek karekî yan reftarekê dket ku drust wekî ya dayka wê bît, çî baş bît yan xerab.

Perwerdeya mektebîye: Bo diyarkrna hndê ku dayk qutabxana êkê ya kîçê ye; her tştê dayk bçînit, kîç ddorît.

Rewşt û tîtal: Demê mrow dxwazît bêjît kîç li ser rêbaza dayka xo dçit û bnemayên jiyanê j wê werdgrît û lser brêve dçit.

Zimanê Rewanbêjiyê d Pendê da

Eger em bi zimanê rewanbêjiyê li vî pendê bnerîn, dşêyn b vî rengî bêjîn: "Teşî", tenê amrazekê rêstna dezuy nîn e, belku hêmayeke bo rêstna kesayetia kîçê. Kîç wekî awêneyekê ye, her lvîn û nexşekê dayk li ser laperrê jiyanê kêşabît, kîç bi wjdaneka bêdeg û bi destên xo yên nasik, dubare dket û bzava dket fêrbbit û dket e bergek bo paşerroja xo.

Rolê Mezin yê Daykê d Civakê da

B kurtî, ev pende dbêjît: "Ka dayk çewa bît, kîç jî dê li ser wê rîçkeyê yan wî semtî çit." Gotna (Kîç teşya dayê dڕêsit) wate dayk ya çewa bît û kîç bara ptr jara dê wek wê bît. Eger dayk ya jwan bît yan ya bejn blnd û brewşt bît yan jî pêçewane.. htd kîç dê mîna wê bît btaybetî eger ptr bu layenê başiyê bît, kêm jara jî bo layenê dî jî heye. Pendeka dî ya hey dbêjît: (Daykê bbîne kîçê bxaze), anku kîç gelek bdaykêve dihêt e grêdan welêdhêt dbîte nushak j daykê. Evme jî rolê daykê diyar dket ka çenda mezin û girng e, dkarin bêjîn qutabxane û zankoyeke zarokên wê jê fêrî honer û etekêtên jiyanê dbin, lewma dbêjîn ger daykek zana bu evme xêzanek û civakek û millatek û welatek zana bu.