سەد مخابن هزار جار
نه‌بووینه‌ ئێك ماینه‌ چار
چەرخێ بيست و ئێكێ یه‌
هێشتا ئه‌لند نه‌دیار
كورد مان سێوى
بێ باب و داى
بێ تامه‌ هو‌سا‌ ژیار
خوزى بتنێ به‌س جارەکێ
کورد ببانه‌ ئێك‏ ديوار

ئاگرێ ئێتوينا کوچکا مە
وه‌ك ره‌شه‌‌‌ بای
گەرم ناکەت نانێ مه‌‏
داپیرا من هریا پشتا په‌زێ مه
ب ته‌شيێ رست
كره‌ ته‌ڤن و داڤ
یێ گه‌نده‌ل و بن دیوار
كره‌‌ مه‌حفیر پێ خه‌ملاند
كوجكا ئاغای

هاولاتیا خه‌ون دیتن
دێ بین ده‌وله‌ت
به‌لێ خه‌ون بینه‌ قه‌يران
كاره‌ب و گاز و به‌نزین مه‌ نه‌مان
خه‌لا كه‌ڤته‌ ناڤ بازاری
خه‌ونێن كوردا دانه‌ باى
گڤه‌ گڤا بايێ ره‌ش تێ
رابن ژ خه‌و ده‌مێ مای

خودان هەست و دل و جان‌
هەتا کەنگێ كویله‌ بژین
مه‌لایی بانگێ سپێدێ يێ دای
ژ خەو ڕابن سال‌ درەنگە
سەر مە سه‌پان شه‌ر و جەنگە
بو‌چنه‌ پوست و پارە
ڤلله‌ و مولك و سەیاره‌
یاسا وه‌ك پێتڤی نه‌هێته‌ جێ به‌جێ كرن
حوبرێ سه‌ر كاغه‌زێ یه
بەختێ مە گرێ گرێ یه‌

كه‌سێ گه‌نده‌ل
خه‌لكی د كوژیت
دا ئه‌و بژیت
وه‌لات فروت‌
په‌زێ مه‌ دووت
دویڤ به‌زین
هه‌وارا په‌ی گورگی یه‌‌‌
گورگێ لاواز
ره‌ڤێن گورگا دویڤ ناچن
ته‌یرێ نه‌زان
پر پرا بالندا
دویڤ ناڤرن

ده ستهه‌‌لاتا
نانى ئه‌رزان نه‌كه‌ت
زكێن برسی تێر نه‌كه‌ت
مابوچی یه هه‌بیت‌
كرێترین دیاردا ژیانێ‌
برسی، په‌سنا دزا بكه‌ت

ئەگەر مە ژ دەست دان هیڤی
ئومێدا مه‌ هه‌رما كیڤی
ژیانا مه‌ بێ رامانه‌‏
شه‌رمه‌ بێژینه‌ گه‌نده‌لا
ئه‌ز به‌نی
هوسا وه‌لات بێ پاشایه‌
كـووڤا خائین و جاشایه‌