دەھان سالن ئەم ھەر ھۆزو بەرھۆزن
ئەم بێ یەکبوونەکا مینا جەژنا نەورۆزن
خەباتا مە بەس گڕگڕ و باو بارۆڤە و تۆزن
لەوما ئەم ھێشتا ئێخسیرو بەندێن دۆزن
ئەرێ مللەتبوون و دەولەتبوونامە ل کۆ ما؟

دەھان ساڵن ئەم بفیغان و ناڵ ناڵن
بۆ ڤەوژارتنا زەڤیێن خەلکی کرێکار و پاڵن
زەڤیێن مە ژی ھێشتا بەیار و کەند و چاڵن
ما حەتا کەنگی دێ ژ دەردێ سەپانیێ ناڵن؟
گەلو ما ھشیار بوون ژ خەوێ
ئیرۆ ل کۆ ما؟

دەھان سالن خوین و رۆندک
ژ چاڤێن مە دبارن
شەھیدێن رێکا ئازادیا مە
سەد و چەند ھزارن
دارا ھیڤی و ئومێدێن مە دبێ بەرھەمدارن
دێ وەرن یەکێتییەکێ چێکەن
خۆزیا چار کنارن
ئەرێ ئەو ئارمانجا مە خەبات
بۆ دکر ل کۆ ما؟

دەھان ساڵن لناڤ رەز و باغێن مە دگەڕن
پەز و جەلەبێ وان لناڤ
زەڤیێن مە د چەرن
دکەین ناکەین بەروکێن مە
نابەردەن ژ مە ناگەڕن
دبێژینێ خاکامە وە ناحەبینیت
بارکەن ھەڕن
ما وژدان و مرۆڤایەتیی کانی ل کۆ ما؟