دناڤبەرا دوو کەندالێن چیایێ سپێدێ دا، د گوندەکێ ئارام دا پیرەمێرەکێ بناڤێ عەبدال دژیا، دژییێ خودا گەلەك تشتێن سەیر و سەمەرە دیتبوون، لێ ئەو تشتێ د دلێ وی دا مابوو نە د خەما شەرێ بوو نە یا نەخوشیێ بوو، بەلکو کاڤلێ خەما بوو عەبدالی شەڤەکێ لبەر ڕۆناهیا لوکسەکێ کەڤن روینشتی بوو، قەلەمەك دناڤبەرا تبلێن وی یێن ددەستێ وی یێ راستێ دا بوو لاپەرەکی سپی لبەر سینگێ وی بوو،

بەلێ وی دڤیا چیروکا ژیانا خوە ب نڤێسیت. لێ هەر تشتێ وی دنڤێسی دبوون خەم، وی د دیت کو هەمی کەسێن دناڤا جڤاکی دا دژین وەك دیوارەکێ مەزن یێ هەرفتی و بێسەروبەر نە هەر خەمەکا مرۆڤی دکەڤیت دبیتە کەڤرەك دوێ کاڤلکاریێ دا هەموو رۆژان خەمێن لێهاتین وەك بەرمایکێن کەڤران دکەڤن سەر ئێك تا کو بووینە قەلایەکا مەزن لدەوروبەرێن وان، عەبدالێ پیرەمێر تێر ژیر و زانا لسەر لاپەرەکێ نڤێسی ئەم هەمی دناڤ کاڤلێن خەمێن خودا دژین. خەمێن مە وەك کەڤرێن جڤاتێ ب سەیرێ دهێتە ئاڤاکرن دێ چەوا مروڤ بشێت ژڤان کاڤلان رزگارببیت، ئەرێ دێ کەسەك هەبیت ڤان پەردێن گران ژ سەر سینگێ مە لابدەت؟

هینگێ مام عەبدال سەیری دەرڤەی پەنجەرێ کر، کچەکا بچوویك بناڤێ شەڤین د هاتە دەرێ دەرگەهێ خۆ ڤەکر، و گەردەلولا خەمێ نەشیایە وێ بهێلیتە دناڤ کاڤلان دا وێ گۆت؛

«مامێ عەبدال بوچی تویی دناڤ کاڤلان دا دژی وەرە بدەرڤە ل جهێ خەمێ. بێهنەکا نوویا هیڤیێ هەیە»

مامێ عەبدال ژ نیشکەکێ ڤە تێگەهشت کاڤلێ خەما بتنێ هندێ نە کو تویێ دناڤ دا مابیت مروڤ دشێت ژ وان دەربکەڤیت،