Kurd Diaspora
دهێتە گوتن پاشایەکی ئاگەهداریەک دناڤ خەلکێ خۆ بەلاڤکر و گوت؛ هەر کەسەکێ پەیڤەکا جوان و شرین بۆ من بێژیت دێ "٤٠٠" دیناران وەک دیاری پێشکێش کەم، پشتی دەنگ و باس بەلاڤبوویی، پاشای ب نهێنی قەستا ناڤ خەلکی کر بۆ هندێ بزانیت کی دێ پەیڤەکا جوان شرین بۆ بێژیت، پاشایی ژ نیشکان ڤە جوتیارەک دیت یێ دار زەیتونەکێ د چینیت، پاشایی خۆ نێزیک کر و گوتێ؛ ئەرێ بوچی تو دار زەیتونێ دچینی و تو مرۆڤەکێ دان عەمری، دار زەیتونێ "٢٠" سال دڤێن هەتا بەرهەمێ وێ دخۆی، ژیێ تە گەلەک نەمایە و ناگەهی بەرهەمێ وێ بخۆی؟ جوتیاری گوتە پاشای؛ باب و باپیرێت مە چاندنی کر بەلێ مە خار، نوکە دۆرامەیە ئەم ژی دێ چاندنیێ کەین دا نەڤیێن مە بخۆن، گوتنا ڤی جوتیاری گەلەک ب دلێ پاشای بوو لەوا "٤٠٠"دینار وەک دیاری دانە جوتیاری،
دەمێ جوتیاری پارە وەرگرتین گرنژی، پاشای گوتێ بۆچی دگرنژی؟ جوتیاری گوت؛ دەمێ مرۆڤ دارەکا زەیتونێ بچینیت "٤٠" سال پێدڤینە هەتا مرۆڤ بەرهەمێ وێ بخۆت، بەلێ من نوکە بەرهەمێ وێ خوار، پاشای جارەکا دی گەلەک کەیف ب ڤێ گوتناوی هات و سەرنجاوی ڕاکێشا ژبەر هندێ "٤٠٠" دینارێن دی ژی وەک دیاری دانە جوتیاری، دیسان دەمێ جوتیاری خەلاتێ دووێ وەرگرتی جارەکادی گرنـژی، پاشای گوتێ بۆچی د گرنژی؟ جوتیاری گوتە پاشای دارا زەیتونێ سالێ جارەکێ بەرێ خۆ دگریت، بەلێ هەر نوکە من دارا زەیتۆنێ چاند و هەروەسا دوو بەرهەم ژێ خارن، پاشای "٤٠٠" دینارێن دیتر دانە جوتیاری و هەر بلەز جوتیار بجھ هێلا، زێرەڤانەکێ پاشای گوتێ؛ باشە تە بۆچی بلەز جوتیار بجھ هیلا و تو چوی؟ پاشای گوتێ ئەگەر من وەنەکربا گوتنێن جوتیاری ب دوماهیک نەدهاتن و خەزینا پاران ژی دا ب دۆماهیک هێت و پارە تێدا نەمان.
ئەڤ چیروکە وێ یەکێ د سەلمینیت، کو دلۆڤانی و پەیڤێن جوان گەوهەرێن بهاگرانن، ئەڤ جورە مرۆڤە خۆدان ڕەوشتەکێ جوان و مەژیەکێ پێگەهشتینە ب زانیارییان.
كۆمێنت (0)
هێشتا چو كۆمێنت نینن