هونەرێ ژبیرکرنێ و ژدایکبوونەکا نوو

تێکستەکێ تژی کەرامەت، بێمنەتی و ڕزگاربوون ژ کۆت و زنجیرێن ئێشانێ

شەڤ گەلەک یا سار بوو، من ل بەر پەنجەرێ تەماشەی بارانێ دکر، لێ ئەڤ جارە نە وەک هەر جار بوو، کو دگەل هەر دڵۆپەکێ ناڤێ تە ل سەر لێڤێن من بباریت. ئەڤ شەڤە، تشتەک د ناخێ من دا شکەست، ئەو تشتێ کو ئێدی ب چ "لێبۆرینان" جارەکا دی خۆ لێکنەدەتەڤە.

بزانە نە ئێدی دلێ من بو تە لێددەت، نە چاڤ داخازا دیتنا تە دکەن، نەژی هەستێن من بەرامبەر تە د لڤن. تە دڤیا من بێشینی؟ تە دڤیا ب ڤێ ئێشانێ من ل دویڤ خۆ ڕابکێشی و نەچار بکەیی؟ تو گەلەک یا خەلەت بووی.

ئەز ئێدی یێ فێری هونەرێ "ژبیرکرنێ" بوویم. من هەمی ئەو ئێشانێن تە داینە من، دگەل ناڤێ تە و وێنەیێن تە، د کوژیەکێ تاری یێ ژیانا خوە دا "بلۆک" کرن. من ئەو دەرگەهە یێ دیوار کری، نە بتنێ قفل کریە؛ چونکی یێ بڤێت من بێشینیت، د ناڤ ژیانا من دا جهێ وی نینە، حەتا ئەگەر هەمی لەشێ من و ناخێ من شوین برینێن وێ بن.

ئەز وەک وی ڕێڤینگیمە یێ چانتکا خۆ تژی کری ژ بێمنەتیێ. چاڤێن من ئێدی ل دویڤ سیبەرێن تە ناگەڕیێن. سۆزا من ئەوە: ئەگەر هەناسەیا من یا دویماهیێ ب گۆتنا ناڤێ تە ڤە گرێدای بیت، ئەز دێ ب بێدەنگی خۆ ڕادەستی ئاخێ کەم و ناڤێ تە ل سەر لێڤێن خۆ نائینمە ڤە.