تو بخێر هاتی..
ئەگەر من زانیبا دێ هێی
دا دلێ خۆ
لبەر پێیێن تە ڕائێخم..
و ڕحا خۆ
کەمە دیاریەک بچویک
لدەمێ چۆنێ
دا پێشکێشی عەشقا تەکەم

تو بخێرهاتی..
چەوا هاتی
چ زی تو چۆی
تە چ دڤیا؟
نە تە دەرفەت دا دلێ من
خەمێت خۆ بۆ تە بێژیتن
نە تە دەرفەت دا چاڤێن من
تێر تێر ل دێمێ تە بنێرن
بەس دا نەچی
نەوێریام تە هەمبێزکەم

تو بخێرهاتی..
چ هاتن بوو!!
تە چاڤ تژی ڕۆندک کرن
دل ژی تژی عەشق و ڤیان
گوهـ تژی گرنژیناتە
زمان لال بوو ل حزورا تە
تیشکێن رۆژێ ژ من ڤەنابن
دڤێن هشیاربم
بدویماهیک بێت دیدارا تە

تو بخێرهاتی..
نە گرنگە د خەودابیت
یان ژی ڕاستی
گرنگ ئەوە
تو یا هاتی
نە گرنگە
هاتنا تە بۆ کەیف بیتن
یان ژی بۆ شەر
خەمێن من دگەل خۆ ببەیی
یان یێن خۆ ژی بدانیە سەر
گرنگ ئەوە
تو یا هاتی

تو بخێر هاتی..
من نەزانی
تو یا بلەز بوویی
یان دلێ من
ژ خۆشیا دیداراتە
خۆ د سینگێ من دا نەگرت
ئەزێ ڕەبەن
ژ خەوکا شرین
هشیارکرم

تو بخێرهاتی..
دا هێش مینی
و دەرفەتێ دی دلێ من
سکالایێن هندە سالە
ل سەر عەشقا تە نڤێسین
بۆتە بخوینیت
دا بزانی
بەرامبەر من
کا تو چەندا
بێ هەستی
بێ سوزی
بێ ئەڤینی
تو بخێرهاتی..