ناڤێن دارێ ب زمانێن جودا

• ناڤێ کوردی: چنارا ڕۆژهەڵات
• ناڤێ عەرەبی: دلب، شجرة الشنار، الدلب الشرقي
• ناڤێ ئینگلیزی: Oriental plane, Oriental planetree
• ناڤێ زانستی: Platanus orientalis
• خێزان: Platanaceae
• وەلاتێ ڕەسەن و بەلاڤبوون: ئاسیا

تایبەتمەندی و شێوازێ گەشەکرنێ

دارەکا بەلگ وەرینە، بەلگێن وێ ب ڕەنگێ کەسکن و قەبارێ وان د مەزنن و شێوەیێ بەلگێن وان د ڤەکرین، ئانکو نە د گڕۆڤڕن. ب شێوەیەکێ گشتی، بلنداھییا ڤێ دارێ نێزیکی (٣٠) مەتران بلند دبیت، ئەگەر د ژینگەھەکا گونجایدا بیت. گەلەک جۆرێن ڤێ دارێ هەنە. ئەگەر گەشا وێ یا باش بیت و قەبارێ وێ یا مەزن بیت سیبەرەکا مەزن ددەتە دورماندورێ خۆ.

• گەشەکرن: گەشەکرنا وێ یا بلەزە.
• بەرگری: بەرگرییا گەرمێ و سەرمایێ دکەت.
• پاقژکرنا ژینگەهێ: هەوایێ ئەو ژینگەها لێ دهێتە ب خودانکرن پاقژ دکەت ژ هەر کەرەستەیەکێ ژەهراوی.
• کەزاختن: کەزاختن د وەرزێ پاییزێ دا بۆ ڤێ دارێ یا باشە، داکو گەشا وێ باشتر لێ بهێت و بهێز بکەڤیت.

پوشکوشین، بەرهەم و زێدەکرن

د وەرزێ بهارێ دا کولیلکان ددەت، و د وەرزێ هاڤینێ دا گۆلێن ب ڕەنگێ قەهواییا ڤەبوویێ سەر ب ڕەنگێ زەرێ ڤەبویڤە ددەت، و د میننە پێڤە هەتا وەرزێ پاییزێ.

شێوازێن زێدەکرنێ:

• ب ڕێکا تۆڤی د وەرزێن پاییزێ و بهارێدا دهێتە زێدەکرن.
• ب ڕێکا قەلەمی ژی دهێتە زێدەکرن.