گرنگییا دایکینییێ

ژ گرنگترین و ڕاسترین تێگەهشتنێن بۆ مە ماین، کو ژ هزارەهان سالان و تا نوکە گرنگییا دایکینییێیە، چ ب نەریت بۆ مە دەربازببیت یان ب سرۆشتی، بەلێ ئەڤرۆ داكو ئەڤ هزره بمينيت و بهێتە سەلماندن کا بۆچی دایکینی یا گرنگە، وەکو ڕۆلێ دایکێ گەلەک ژ ڤێ هندا کو ئەم دزانین ‘دایک زارۆکی مەزن دکەت ‘ کیرترە و مەزنترە. دایکینی دەربارەی ئاڤاکرنا مێشکێ مرۆڤایە، دەربارەی ئاڤاکرنا جیهانا وان یا هەستایە، پەیوەندیێن زارۆکێن وانە د ئایندەیدا، کو دڤێت ئەڤ هندا هە چ جارا گرنگییا خۆ ژ دەستنەدەت و ڕۆژ ب ڕۆژ پتر ئەڤ ڕۆله پيرۆزيیا وێ دیار ببیت.

ئەم دێ ڤێ هندێ د شلوڤەکرنەکا زانستیدا دیارکەین، زارۆک ژ دایکدبیت ژ لایێ هەستان یێ تەمامە، بەلێ ئەو بەشێ مێشکی یێ کو ڤان هەستا ڕێک دئێخیت ب ئێکجاری گەشە نەکریە، زارۆک تایبەت د سالێن دەستپێکیدا سەد ژ سەدێ پشتا خۆ ب ڤى بەشێ مێشکی یێ دایکا خۆ دبەستیت دا هەستێن خۆ ڕێک بئێخیت و بشێت خۆ ئارام بکەت، یا گرنگە دایک ل ڤێرێ یا ئامادەبیت ٢٤ دەمژمێران دژیانا زارۆکێ خۆدا بیت نەهێلیت ئەڤ بەشە هەست ژێ دلڤن کاربکەت، ئانکو زارۆک توشی تڕسێ، تۆرەبوونێ، خەمگینییێ نەبیت، ژ بەر هندێ دەمێ دایک زارۆکی یان ل دەڤ کەسەکێ بیانێ دهێلیت یان هەتا بابی یان دبەتە داینگەهێ، ئەڤە نەشێن وەکی دایکێ زارۆکی ئارام بکەن و ڤی بەشی ب ڤەمرینن، دەمێ ئەڤ بەشە هەرما کارکری زارۆک توشی سترێسێ دبن، توشی خەموکییێ دبن،ptsd و ئاریشێن سلوکی ژی ژێ دیاردبن د نوکە و ئایندەیدا، دایک هۆرمونێ ئۆکسیتوسین بەرهەم دهینیت دەمێ زارۆک ژ دایکدبیت و ب ڕێکا شیردانێ و چاڤ دانێ، ئەڤەیە هاریکارییێ دکەت بۆ پرۆسێسا پەيوەنديیێ چێببیت دناڤبەرا واندا، هوسا بەشێن مێشکی ب ساخلەمتر کاردکەن ئەڤ هەمییە بتنێ یا تایبەتە ب دایکێڤە، بابی ژی گرنگییا خۆ یا هەی بێگومان، بەلێ ب ڕێکەکا دی وەکی یارییان دگەل زارۆکی بکەت، ب هەلاڤێژیت، پتر هارى دايكێ بکەت دخودانکرنێدا.

دایک ب سروشتێ خۆ و سایکۆلۆجییا خۆ هەستیارترە و ئەڤە وێ هوشیارتر دکەت بەرامبەر زارۆکێ وێ و چاڤدانا وێ ب ڕێکەکا جوداتر ژ یا بابی، ڤەکۆلینەک ل بریتانییا دهێتەکرن دەمێ دایکوباب ب شەڤ دنڤستی د ژۆرا خۆڤە، دەمێ زارۆک دکەتە گری دایک هەر زیکا هوشیار دبیت و دهەوارا زارۆکی دچیت ددەمەکیدا بابی ب ئێکجاری هایژێ نینە و یێ د خەوە، بەلێ دەمێ دەنگێ هەوای دهێت و پەنجەر ڤەدبن باب هوشيار دبيت و دچيت پەنجەرێ دگریت و دایک یا د خەوە و هایژێ نینە، چونکی باب هۆرمونەکێ دی یێ جێوازتر بەرهەم دئینیت، کو پتر یێ درندەیە و زڤرە داکو بابی هوشیار بکەت بو ڤان باردۆخێن توند و ب زەحمەت، ئەڤە گەشەیا مە یا مرۆڤایە بەری هزارەهان سالان، چونکی کۆمەلگەهـ هەردەم هەڕەشە و ڕەخنەیێن خۆ ئاراستەی دایکان دکەت، بوچی کارناکەن؟ چنینە زاروکێن خو ببەنە داینگەها و چنینە کەسەکێ دی ل شوینا دایکینییێ ڕابیت بۆ زارۆکێ وێ، هەمی تشت دێ د نورمال بن و چنینە، ئەڤ ڕۆلە هێدی هێدی یێ ژ گرنگییا خۆ ڤەدبیت و دایک یێ مەزنترین و گرنگترین کارێ خۆ ددەنەڤ كەسەکێ دی، کو بتنێ ئەو دشێن بکەن و دەرئەنجامدا ڕۆژ ب ڕۆژ پتر ئاريشەيێن دەروونی، سلوکی یێن ل زارۆکێن مە دەردکەڤن، بەلێ دراستیدا مانە مە دایکا دگەل زارۆکێن مە پەروەردە ب خۆيه و گرنگترين و بهاترين تشته ئەم بدەينه وان و ئەڤەیە دێ ژیانەکا ساخلەم و مێشکەکێ دروست و گەشەکری د ئایندەیدا پێشکێشی وان کەت.