ڕيفەراندۆما سەرخوەبوونا کوردستانێ و ئارمانجێن وێ

هەلبەت ریفراندۆما سەرخوەبوونا هەرێما کوردستانێ ئێکە ژ گرنگترین بوویەرێن سیاسی د دیرۆکا نوو یا کوردستانێ و ئیراق و رۆژهەلاتا ناڤین دا.

ئارمانج ژ ڕیفراندۆمێ و کەنگی هاتە کرن.؟ وەکوو یا خوەیا ل ٢٥/ئیلونا ٢٠١٧ ڕیفراندۆم ل هەرێما کوردستانێ و هندەک دەڤەرێن ناکۆکی ل سەر، ژ وان باژارێ کەرکووکێ، برێڤەچوو، پرسیارەک ب ئاوایەکێ سادە د هاتە کرن و ئەڤە بوو؟ ئایا تە دڤێت هەرێما کوردستانێ و ناڤچەیێن دەرڤەی هەرێمێ، کو کورستانی لێ دژین، ببنە دەولەتەکا سەربەخۆ؟ هەلبەت ئارمانجا سەرەکی ژ دەستپێکرنا پرۆسا سیاسی بۆ دامەزراندنا دەولەتا سەربەخۆ یا کوردستانێ بوو، نەکو تەنێ ب ئەنجامێن ڕیفراندۆمێ، دەولەتەکا نوی د هەمان رۆژدا، دروست بکەن. نەتەوەیێن ئێکگرتی د وی دەمی دا ئاماژە ب وێ چەندێ دکر، کو ڕیفراندۆما ئێکلایانە بۆ حکومەتا ئیراق و پڕانیا وەلاتێن هەڤسوو و جڤاکا ناڤنەتەوەیی مەترسیدارە و پشتەڤانیێ ل ڤێ پرۆسێسا ڕیفراندۆمێ ناکەن. ئارمانجێن سەرەکی، ئارمانج و زەلالیا چەند خالێن سەرەکی.؟

ئێک: دەربڕین ژ خوەستەکێن گەلێ مە، نیشاندانا ئەوێ چەندێ یە کو بەشەکێ زێدەترێ روینشتڤانێن کوردستانێ کا چ دڤێت؟
دوو: دەستپێکرنا پرۆسەیا سەربەخۆییێ، ببیتە بنگەهێ دانوستاندنێ ل گەل بەغدا و جڤاکا نێڤدەولەتی.
سێ: بهێزکرنا هەلویستێ سیاسیێ هەرێما کوردستانێ، هەرێمێ ب دەنگێ پڕانیا گەلێ خوە پێگەهێ خوە د دەما دانوستاندنێ دا بهێزکر.
چار: چارەسەرکرنا پرسێن ناڤچەیێن کێشە و ناکۆکی ل سەرهەیین. ب تایبەتی باژارێ کەرکووکا دلێ کوردستانێ و ماددێ ١٤٠ێ دەستوورێ ئیراقێ.
پێنچ: بنەما و بنگەهێ دەولەتسازیێ. لێ ب مەرجێ ئەگەر پرۆسە یا سەرکەفتی بایە. هەلبەت دا گاڤێن دی بۆ دامەزراندنا دەولەتەک و سەرخوەبوونا کوردستانێ دەستپێکربان.

ئەنجام چ بوون؟ دەنگدەرێن دلسۆز ئەوێن بەشداری کرین ب ڕێژەکا ئێکجار زۆر ل گەل دەنگێ ( بەلێ ) بوون و دەنگ بۆ بەلێ دان. لێ مخابن ڕیفراندۆم نەشیا سەرخوەبوونا کوردستانێ ڕابگەهینیت. چونکوو بەغدا ئەنجام ڕەتکرن. و پڕانیا دەولەتان ژی تایبەت ئەمریکا و ئینگلتەرا پشتەڤانیا هەلویستێ سەرکردایەتیا کوردستانێ و گەلێ کورد ژ بوو سەرخوەبوون و جودابوونێ ژ ئیراقێ نەکرن. وەکوو د هێتە زانینن! ل ٢٠ مەها تەشرینا دووێ یا سالا ٢٠١٧ دادگەها فیدرالی یا بلندا ئیراقێ بڕیار دا کوو ڕیفراندۆمێ چ بنەمایێن دەستووری نینن! و ئەنجام و باندۆرا وێ یا سیاسی و نەتەوەیی هەلوەشاندن. بەلێ ئەگەر ئەڤا هە هاتبیتە ئەنجام دان ژی، لێ ئەو نەشیانە چ دەمەکی رێکێ ل بەر خوەستەک و ڤینا گەلێ کوردستانێ بگرن. چونکوو ب کورتی دیرۆکا ڕیفراندۆمێ و رۆژا دەنگدانێ بۆ سەرخوەبوونا کوردستانێ ل ٢٥/٩/٢٠١٧ رۆژەکا دیرۆکیە د دیرۆکا پڕشنگدارا هەرچار پارچێن کوردستانێ دا. چونکوو دەنگێن زەلالێن هەری زۆر بۆ بەلێ بوون.

لێ دەستهەلاتدارێن بەغدا ل جهێ ڤێ پرۆسێسا دیمۆکراتی و یا مافێن گەلان و چارەنڤیسێ وی، ب دیالۆگێ پێشوازیێ لێبکەن، بەروڤاژی ب هێزا لەشکری و تۆپ و تانکێن ئەبراهام هێرشی سەر هەرێما کوردستانێ یا دەستووری کرن. هێزا پێشمەرگێ کوردستانێ ژی ب گیانێ خوە بەرەڤانی ژ ئاخا کوردستانێ و سەروەریا هەرێمێ و هەلویستێ گەل و سەرۆک بارزانی و سەرۆکایەتیا کوردستانێ کرن.

لەوا شیان ل سنوورێن پردێ و سحێلا وانەیەکا مەزن بدەنە لەشکر و ملیشیاتێن حەشدا شەعبی یا شۆفینی.