ئاخا مە هەمیان... یان یا چەند کەسان؟!

پەیامەک ژ كۆیراتیا خەمێ بۆ وەڵاتی

بەرژەوەندیا كێ د سەری دایە؟

ئەوا ئەڤرۆ دهێتە كرن، پتریا جاران بەرژەوەندیێن تایبەتن و كەسێن دیاریكری مفای ژێ دبینن! ئەرێ پا كا یا وەلاتی؟ كا مافێ وی وەلاتیێ كو دبن هەر بارودۆخەكێ سەخت دا بەرگریێ ژ ڤێ ئاخێ دكەت؟

ئەو گەنجێن كو دڤیا ببنە پیست و کۆڵەک بۆ ئاڤاكرنا پاشەڕۆژا ڤی وەلاتی، ئەڤرۆ د چ ڕەوش دا دژین؟

کا گەنجێن مە؟

• هندەك ژ وان د بێهوودەیێ دا دژین...
• هندەك یێن ل سەر جادەیان بێ كار و بێ پاشەڕۆژ ماین...
• و هندەك ژی بارگەهێ خوە پێچایە و بەرف غەریبیێ دچن!

وەڵات ب بەرژەوەندیێن تایبەت ناهێتە ئاڤاكرن. ئەگەر گەنج نەبنە سەنتەرێ گرنگیپێدانێ و مافێ وەلاتیێ سادە نەهێتە پاراستن، دێ كاودان بەرەف كیڤە چن؟ پێدڤییە ئاڤڕیەك ب لایێ گەنجان و وەلاتیان دا بهێتە دان، چونکی ئەڤ ئاخە یا مە هەمیانە، نە یا چەند كەسان بتنێ!

پا هەتا كەنگی دێ مرۆڤێ دڵسۆز باجا بێدەنگیێ دەت و خەونێن گەنجان د بن پێلێن پشتگوهاستنێ دا خندقن؟ دەم هاتیە هزر د پاشەڕۆژا ڤێ ئاخێ دا بهێتە كرن، چونکی وەڵات ب مرۆڤێن خۆ ڤە ئاڤا دبیت، نەک ب بەڵێنێن سەر كاغەزان!