قوناغا سنێلەییێ قوناغەكا گرنگە د ژیانا هەر تاكەكی دا، كو ب قوناغا دروستكرنا ناسنامەیێ دهێتە پێناسە كرن، ژ هوشیارترین و هەستیارترین قوناغا دهێتە دانان د كەسەیاتیا مرۆڤی دا، د ڤی تەمەنی دا سنێلە روی ب روی كومەكا ئاریشەیان دبیت یێن جڤاكی رەفتاری و ئەلكترونی و سەرەرای وێ چەندێ ئەو بەرزەبوونا سنێلە تێدا دەرباز دبیت د هزر و كەسایەتیا خودا.

ل ڤێرێ ئەم تەكەزێ نا دانینە لسەر وان ئاریشەیێن بوو سنێلەی دروست دبن، بەلكو دێ تەكەزێ دانینە سەر وێ چەندێ چەوا خێزان د رەوشا سنێلەی ب گەهیت و هەر وەسا ژ لایێ دەرونی ڤە چەوا سەرەدەریێ دگەل بكەت.

زارۆك دەما دگەهیتە قوناغا سنێلەییێ و وان گوهرینێن لدەف سنێلەی پەیدا دبن كو وی جودا دكەت ژ زارۆكینیێ وەكو گوهرینێن فیزویلوجی و دەرونی و جڤاكی خێزان دگەل سنێلەی دكەڤیتە هەڤركیێن زۆر دژوار و ململانێ دگەل سنێلەی و ئەو بریارێن سنێلە ددەت، كو دبیت ئەو بریار و رەفتارە دگەل كومەلگەهێ نە گونجن ئاریشا هەرە مەزن بوو سنێلەی ئەوە كو خێزان وەك یا پێدڤی د وی ناگەهیت و سەرەدەری دگەل ب زەحمەت دهێتەکرن نمونە سنێلە بریارا گوهرینا قوناغا خواندنێ بدەت یان ژی توشی پەیوەندیەكا جڤاكی یا نە دروست ببیت لڤێرێ هەبوونا رولێ خێزانێ ب چارەسەریەكا زێرین دهێت بوو سنێلەی و رەوشەنبیریا خێزانێ د چەوانیا سەرەدەریكرنێ دا دگەل سنێلەی دێ تەكەزێ لوی رولێ خێزانێ كەین.

ڕێنمایێن سەرەکی بۆ خێزانێ

• ١ ـــ ئاڤاكرنا كەسەیەتیا سەربەخو؛ زور جاران دەما سنێلە بریارەكێ ددەت یان ژی بریارەكا خێزانێ رەت دكەت خێزان هزر دكەت كو بێ رێزیا دگەل دهێتە كرن لڤێرێ ئەو رەت كرنە نە بێ رێزیە بەلكو سنێلە هەمی پێكولا دكەت ناسنەمایا خو ئاڤا بكەت و خودان بریار بیت دبیت ئەو بریارە دگەل كەتوار و داب و نەریتان نەگونجیت لڤێرێ گرنگە خێزان دیری توندوتیژیێ و زۆری لێكرنێ بیت بەلكو د كاودانا سنێلەی ب گەهیت و ب شێوازەكێ زانستی و جوان كو دگەل ئاین و نەریتێن خێزان و كومەلگەهێ گونجای بیت بوو سنێلەی شروڤە بكەت.
• ٢ ـــ رەڤینا سنێلەی ژ شێوازێ زارۆكینیێ؛ ئاریشەكا هەرە بەربەلاڤ د ناڤا هندەك ژ خێزانان دا هەیە ئەو ژی هەمان سەرەدەریا زارۆكینیێ یە دگەل سنێلەی دهێتەكرن سنێلە ژ ڤێ چەندێ د رەڤیت و هەمی پێكولا دكەت ژ شێوازێ زارۆكینیێ دویر بكەڤیت كچ بیت هەست پێ دكەت نوكە كچكا سەر بەخویە و خودان بریارە و كور ژی هەست پێ دكەت گەنجەكێ ئازادە و هەمی كار و بارێن وی د دەستێن وی دا نە ژبەر ڤێ چەندێ پێدڤیە خێزان ژ فەرمانلێكرنێ دویر بكەڤیت، بەلكو راوێژێ دگەل بكەت و هەڤرا دانوستاندنەكا ئارام بكەن كو خێزان سنورێن رون بوو سنێلەی دیار بكەت بێی فەرمان لێكرن و ترساند
• ٣ ـــ ئاریشە ژ رادێ پێدڤی مەزنتر لێ نەكە؛ ئاسایە سنێلە توشی ئاریشەیان ببیت گرنگە سنێلە ب باوەربیت كو وی خێزان هەیە راوێژا وی بكەت بو مفا وەرگرتنێ ژ ئاریشان و رێكێن چارەسەریێ ل ڤێرێ گرنگە ئاریشێن سنێلەی ژ یا پێدڤی نەهێنە مەزنكرن هەر وەسا خێزان وەك ماموستایەكی هەردەم پشتەڤان بیت ژ وێ چەندێ سنێلە پشت بەستنێ بدەتە سەر شیانێن خو و چەوانیا چارەسەركرنێ و فێربوون ژ ئاریشان و راوێژا خێزانێ
• ٤ ـــ ب ڤیانێ سنێلەی تێر بكە؛ سنێلە د ڤێ قوناغێ مەیلا وی بوو رەگەزێ بەرامبەر زێدە دبیت و دروستكرنا پەیوەندیا دگەل رەگەزێ بەرامبەر كو ئەڤە پشتی د سروشتێ سنێلەی دا دروست دبیت، خێزانا بها گران ببە قوتابخانا ڤیانێ بوو سنێلەی ب تایبەت سنێلا كچ، دا كو ب ساخلەمی ئەف قوناغە دەرباز بیت ڤیانا بابێ و گرنگیا بابێ مەزنترین دیاریە باب بدەتە كچا خۆ.
• ٥ ـــ رەفتارەكا شاش نە بیتە هەمی كەسایەتی؛ گرنگە خێزان بێ مەرج سنێلەی قەبویل بكەت و دەما شاشیەكێ دكەت یان ژی رەفتارەكا نە گونجای وی هەستی بدەنە سنێلەی كو تو بوو مە گرنگێ و خودان كەسایەتی بەلێ ئەف رەفتارە ناهێتە قەبویلكرن دگەل شروڤەكرنا سنور و ئەگەرێن نە قەبویلكرنێ.
• ٦ ـــ پەروەدا ئاینی ژ گرنگترین پەروەردا یە؛ گرنگە خێزان سنورێن جڤاكی و ئاینی ب شێوازێ زۆر بوو سنێلەی دیار بكەت و ئەگەر د شیان دا نەبیت ب رێكا ماموستایێ ئاینی داكو سنێلە توشی ئاریشێن گران نەبیت و پتر بوو وی یا دیار بیت بوچی خێزان بەردەوام دویفچونا وی دكەت سەرەرای هندێ بو سنێلەی دبیتە رێكەكا هەرە پیروز و گرنگ.
• ٧ ـــ فێرکرنا بەرپرسیاریەتیێ؛ د جهێ فەرمان لێكرنێ و بریار دانێ لسەر ژیانا سنێلەی و رەفتارێن وی گرنگە سنێلەی فێری چەوانیا بریار دانێ بكەین و چەوانیا سەرەدەری كرنێ دگەل بەرپرسیارەتیان داكو پتر زالگەهیێ لسەر ئاریشەیێن خو بكەت؛