هەستکرن ب بەرپرساتیێ ئێک ژ باشترین نیشانێن پێگەهشتنا کەسی، هزری و جڤاکی یە، ب تایبەت ل دەمێن تەنگاڤی و قەیرانان دا؛ چونکی جڤاک و خێزان د ڤان دەمان دا پێتڤی ب هۆش، هزر و هاریکاریێ نە.

پێنگاڤێن گرنگ د ڕێڤەبرنا تەنگاڤییان دا

• کۆنترۆلکرنا هەستان و بڕیاردانا دروست: کۆنترۆلکرنا هەستان پێش هەمی ئاخفتن و ڕەفتاران، هێورکرن و دویرکەفتن ژ شڵەژانێ پێنگاڤەکە بۆ ب دووماهیک هاتنا دوودلیێ و بڕیاردانا دروست.
• ڕاستگۆیی و پشتڕاستکرنا زانیارییان: بلا هزر و دەنگوباسێن تە دروست و پشتڕاستکری بن؛ بەلاڤنەکرنا دەنگوباسێن بێ بنەرەت و پروپاگەندەیێن نەدروست هاریکارییا جڤاکی دکەت د پاراستنا ئارامیێ دا.
• پشتەڤانی و هاریکارییا هەڤپشک: لێکتێگەهشتن ل گەل دەوروبەران چ بۆ پشتەڤانییا دەروونی بیت، یان ژی پێشکێشکرنا هاریکارییا ماددی بۆ وان کەس و خێزانێن زێدە پێتڤی.
• پەیڕەوکرنا ڕێنمایێن فەرمی: پێگیریکرن ب ڕێنمایێن لایەنێن پەیوەندیدار وەک ئاسایش، ساخلەمی و سازیێن ئیداری ب گشتی.
• گرنگیدان ب ئاریشەیێن بچووک: چارەسەرکرنا زووی یا ئاریشەیان بەری زێدە ببن و ژ دەست دەربچن، وەکو گۆتنا مەزنان دەما دبێژن: «کۆن ژ پاتەی مەزنترە».
• داهێنان د دیتنا چارەسەرییان دا: لێگەڕیان ل چارەسەری و داهێنان د هزرکرنێ دا ل دەمێ پێتڤی؛ هەردەم کەسێ بەرپرس و ئیداری دڤێت بۆ هەر ئاریشەیەکێ چارەسەری ژی هەبیت، هەتا بگەهیتە ئاستێ حکوومەتان ژی دەما د قەیرانان دا یەدەک هەبیت.