دچڤاکێ مەیێ ئەڤرودا گەلەك تشتێن غەریب و عنتیکەهەنە. ئێک ژوان ئەڤەیە پتریا خەلکی وەسا هزر دکەن کو شاشک خودانی دکەتە مەلا، کورسیک زەلامی دکەتە سیاسی، لەو دێ بینی گەلەک جاران ئەم شاشکەکا وەکی مە دڤێت گرێددەین پاشی لسەرەکێ دگەرین لدیف وێ شاشکێ بیت، دا بێژینە خەلکی ئەڤەیە زانایێ وە، ئەم لدیڤ دلێ خو کورسیکەکێ داخاز دکەین و کەسەکێ دگەرین دا وێ کورسیکێ تژی کەت دابێژینە خەلکی ئەڤەیە سیاسیێ وە.

کەسەک هەکە خۆ بکەتە دختور یان ئەندازیار و بچیت لدیف گێولێ خۆ برینێن خەلکی چارە بکەت یان نەخشەیان بدانیت لایەک دێ هەبیت دەعوایێ لێ بکەت بڤێ رێکێ دێ پولیس مەنعا وی کەسی ژ ڤان کاران کەن و هێجەتا وان یا خوشە جونکی ئەڤەنەکارێ وانایە.

پارێزەر یێن هەین و بەرەڤانیێ ژێ بکەن و نەهێلن کەسەکێ نەژوان خو بدەتە گەل وان و وەکی وانا خۆ بدەتە نیاسین دا تایبەت مەندیێن وان نەهێنە پێ لێدان وەکی دبێژن هونەرمەند و سنعەت کار و هەر رەنگەکێ دی هەبیت یێ مروڤان ئەڤ قاعیدە ژێ دگریت.

دین و سیاسەت: دوو چەروانێن بێ سنور

بتنێ دوو کار نەبن نەتوخیب داینە هەرکەسێ ڤیا دێ خوهاڤێتێ وکەسەک نەشێت بێژیت خۆ بدە لایەکی و ئەڤە شولێ تە نینە، ئەو کار ژی دین و سیاسەتن ئەو دوو چەروانێن بەرداینە و هەر کەسێ ڤیا پەزێ خۆ لێ بچەرینیت، شاشک و کورسیک وەکی مە گوتی درستن هەچیێ دەیکا وی دعا بو کربن تەیرێ دەولەتێ دانیتە سەر سەرێ وی و کورسیک ژ قایدا وی دەرکەت، دێ خۆ ل ڕێزا ئێکێ بینیت، و هەجیێ سەرێ وی شاشکەک تەژی کر یان بنیڤی ژی کر دێ خۆ ب موفتیێ زەمانی دەتە نیاسین، و کی هەیە بێژیتە هەردوویان کارێ وە ئەو نینە یێ وە دبێژی نەیارێ مللەتیە یان دوژمنێ دینیە.