د سەرهندێرا رەڤەندا کورد لدیف شیان و بزاڤێن خۆ وەکو تاکە کەس و وەکو کومەل ب گشتی درێغی ل بەردەوامیا پێشکەفتنا کێشا خۆ یا نەتەوی و روشنبیریا گشتی ل دیاسپورا و ژ دەرڤەی وەلاتی نەکریە، لێ گەلەک جاران ل شینا بەردەوامیا پێشڤەچووینا خۆ بووینە ئەگەرێ راوەستان و پاشڤەمانا پروسێسا خۆ بۆ گەهانداا ئارمانجا ئەو پێ مەرەم یان ژی بووینە ئەگەرێ هێواشکرنا لەزاتیا خۆ، لێ بهەر ئاوایەکی بە هەر پێنگاڤەکا تێت هاڤێتن باشتر ئەوە ئەم ل خالێن ئەرێنی بنێرین بۆ قوناغەکا دووم درێژا کاروانێ روشنبیریا گشتی یا دیاسپورایێ.

رێڤەبرن و پێکئینا بنگەهێن روشنبیری و کومەلایەتی ل دەرڤەی وەلات بتایبەتی ژ لایێ روشنبیرانڤە نە کارەک ئاسانە، بەلکو تەڤنەک ئالوزە و تەخا روشنبیر بیرێ بدەرزیکێ د کولن و ئەو بیرا بدەرزیکێ تێت کولان نەفەسەکا دووم درێژ ژێرا دڤێت و گەلەک نفش ژێڕا دڤێن هەتا بگەهە ئارمانجێ، مەگەر هنەک روشنبیر هەبن بمەرەمەکا دووم کورت لێ بنێرن و مەرەم ژێ بەرژوەندیەک دەمکی و کورسیک و دەستەلات بە کو ئەڤرۆ ئەڤ جورە روشنبیرە بەداخەوە د زێدەبوونێدانە، ئەگینا روشنبیریا گشتی و بتایبەت یا کو لدیاسپورا ئاڤا دبە دڤێت پێنگاڤ پێنگاڤ گاڤ وەرن هاڤێتن و هەردەم کەسێن بەشدار د پروژەکیدا ل خالێن ئەرینی بنێرن، دا کو گەش بین بمینن و بشێن زال بن لسەر بیروکێن بەرتەنگێن مەرەمێن دووم کورت.

ئاڤاکرنا لۆبیەکێ نەتەوەیی و هۆشیاریا جڤاکی

بمن وەرە هەر پێنگاڤەکا بێ مەرەمێن نخافتی پروسێسەک ئاساییە و باشترە ئەو ئاگەهی و پەیوەندی هەبن و داکو هێز و شیانێت وان ببن یەک و سوبە لسەر ئاڤابوونا لۆبیەکێ بەرفرەهـ و بهێز کار بکەن بۆ نەتەوا گەلێ کورد کو هەر ئالیەکی مەرەم ژێ ئەوە بئاوایەک دیموکراتیک کێشا کوردا دناڤا تەخا روشنیردا برێڤە بچە و ڤەکری جڤاکی لدوور خو کووم بکەن ڤەژەنا بیروکا ببە جهێ تەڤا جڤاکی و لدیماهیێ جڤاک لخو ببە خودان و باشی و راستیان ژێک جودا بکەن و ببن خودا بریارا خۆ یا تاکە کەسی و دیڤدا کارڤەدان لسەر خێزانێ و تەڤایا کوما گەل بکە و بریار و پلانێن تەندروست بێن دانان بۆ پاشەروژەک گەشدار و دوور ژ پێشبرکێیەکا پری کێم و کاسی و دیتنەکا کورەکانە یان دوور کەفتنەک دناڤبەر روشنبیری و تاکە کەسی و هاولاتیێ ئاسای.