زمانێ کوردی ھێزا ھەبوون و مانا مەبوو !

ب درێژیا دیڕۆکێ چوار دەولەتێن داگیرکەرێن کوردستانێ ھەمی شێوەیێن ژناڤبرنا یێن بکارئیناین دا کو گەل و نەتەوەیێ مە ژناڤ ببەن و ئاسمیلە بکەن و نەتەوەیەکی بناڤ کورد ل سەر روویێ ئەردی نەھێلن، دا کو ھەمی تشتێ وان بکەنە یێ خۆ و بکەیفا خۆ لسەر ئەرد و خاکا کوردستانێ بلەیزن و خێر و خێراتێن وێ ھەمیێ بخۆ ببەن، لێ خەون و خەیالا وان خاڤ بوویە، نەشیاینە وێ بکەن ئەوا وان دڤیا، راستە زەرەر و زیانێن مەزن یێن گەھاندینە مە ژ ھەمی لایەکیڤە، لێ نەشیاینە ئیرادا مە بشکێن و مە تەسلیمی ھێزا خۆ یا ئاگر و ئاسنی بکەن و مە ژناڤ ببەن.

بەرخودان و ھێزو ئیرادا کوردا ژ ھەمی پیلان و ئاگر و ئاسن و تۆپ و فرۆکێن وان مەزنتر و بھێزتر بوو و شیا بەرگریەکا بێ وێنە لخۆ بکەت و دناڤ وی ئاگر و ئاسنیدا سەرێ خۆ بەرز و بلند بکەت و بێژیت ئەز یێ مایم و ئەزێ ھەیم و دێ ھەر ھەبم و خەونێن وان ھەمی ژناڤبرن.

باوەر بکەن ئەگەر ئەم خودانێ ڤی زمانی مەزن و بھێز و دەولەمەند وخودان رەھۆریشالێن دیرۆکی نەباین، دبیت ئەم پارییەکێ خۆش و بساناھی باین و دامە بقۆرچەکێ داعيڕن!ھەکو زمانێ مە ل باژێرا قەتعه دکر و قوتابخانەیێن کوردی دگرتن، لگوندا زمانێ مە شاک ددان و بەرەڤ باژێرا شاکێن خۆ دھاڤێتن، ھەکە ل گونداقەتعەکربا، د خێزانێدا سەرێ خۆ بلند دکر و شاکێن خۆ ل ھەمی جھان بلاڤدکرن و سنۆڕ دبرین و ھێزا خۆ نیشا وان ددا. بھەمی رەنگا دژمنی دژایەتییا مە کوردا دکر، قوتابخانەیێن کوردی نەدھێلان و ھەمی دکرنە ئەرەبی، ئەگەر ئێکا کوردی د کوژیەکیڕا ژی مابا گەلەکا بێسەروبەر بوو چ وان ھوسا باش بۆ نەدھێلان. لێ چونکی کوردا ژ ھەمی لایەکیڤە بەرگریا ژ خۆ و ھەبوون و زمان و ناسناما خۆ یا کری، پتر ھێزو مەزنی و دەولەمەندیا زمانی ئەو یێن ژ ھەر گەف و ھێرشەکا ژناڤبرنێ یێن پاراستین و روو سپی کرین و دژمن ھەریێ شکەستی و روو رەش بی! لەو دبێژین حەز ژ زمانێ خۆ بکەن و بچاڤەکی مەزن لێ بنێرن، چونکی ھەمی پیلانێن دژمنا یێن پیچ و ھیچ کرین و یا دایە د سەر زمانێ وانڕا یێ بوویە ئێک ژ زمانێن زیندی ل جیھانێ و ئێکە ژ زمانێن گەلەک خۆڕاگر و دەولەمەند.

• زمانێ مە ھێزە ،ئیرادەیە ،بەرخودانە
• زمانێ مە مانا مەیە
• زمانێ مە دەولەتا مەیە
• عەرشێ چار دەولەتا یێ ھەژاندی و دھەژینیت و دێ ھەژینیت
• نەشیانە و نەشێن خۆ لبەر ناگرن !
• ڤی زمانێ ئەم ژ ھەر گەفەکێ یێن پاراستین و رزگار کرین
• زمانێ مە ستوونا دەولەتا مەیە

ئەز چەند حەز ژتە دکەم زمانۆ؟.