نە هەر "نەخێر"ەک ژ دەستێ دایکێ توندوتیژییە

جاران ئەو ڕێگرییە زارۆکی ژ تێکچوونەکا مەزن ڕزگار دکەت. جڤاک حەز ژ وێ دایکێ دکەت، یا کو دبێژیت "بلا چێبیت و دەرباز بیت"، بێی کو حەز ژ وێ دایکێ بکەت یا کو هزر دکەت، دخوینیت، و سنووران ددەتە سەر کاران. "بلا، کێمەکا شەکرێ چ زیانێ ناگەهینیت" "بلا، تەلەفۆنێ بدەیە هەمی زارۆک وەسانن سەردەمێ وان وەسایە" "بلا بکەتە گری، دێ بێهنفەرهـ بیت" "شیرێ خو بدێ یان شیرێ قودیکا بدێ یێ تە تێرا ناکەت" "یا رەق نەبە دگەل" "بێ بار نەکە ژ هەر تشتی" "زێدەگاڤییێ نەکە" "وەل خو نەکە تو ژ هەمیا چێتر دزانی" بەس ڕاستی چییە؟ ئەو دایکا کو دبێژیت "نەخێر" نە هەمی گاڤا یا توندە، جاران ئەو تاکە کەسە کو وێنەیێ تەمام یێ زاروکێ خو دبێژیت و دبینیت. ئەو دزانیت کەنگی زارۆکێ وێ د نڤیت، جەستەیێ وی دنیاسیت، خوارنا وی دزانیت، دزانیت کەنگی ئەو یێ وەستیایە، و کەنگی ئەو ئامۆژگارییا کو ل دەف خەلکی "یا ئاساییە"، بۆ زارۆکێ وێ نە یێ گونجاییە. پەیڤا "نەخێر" دژی زارۆکی نینە، پەیڤا "نەخێر" دژی خەلەتیێ یە، دژی فشارێ یە، دژی ئامۆژگاریێن سەرپێیی و عەشەوائی یە، و دژی وێ هزرێیە کو هەر کەسەکی مافێ هەی خۆ بگەهینیتە پەروەردەکرنا زارۆکێ وێ. دایکا هشیار نە یا نەچارکریە، کو هەر بڕیارەکێ ڕوون بکەت، نە یا نەچارکرییە بۆ هەر کەسەکێ شلوڤە بکەت کا بۆچی شەکر ڕەت کر، بۆچی دەمێ تەماشەکرنا شاشان کێم کر، بۆچی گرنگی ب نڤستنێ دا، بۆچی شیردانا سرۆشتی یان دەستکرد هەلبژارت، بۆچی نەڤێت تشتان ب شێوەیەکێ "ئاسایی و بێسەروبەر" دەرباز بکەت